Gas buk tlinglo sem tum

Tunhnaia Serchhip-a eirawngbawlna Gas buk tlinglo manchhuah chu thawnlet tura tih ni mah se thawnlet ala ni lo a. Hei vang hian nimin a Chanmari Veng-a Gas sem turah Gas lak tum \hahnem takin Gas an chanlo phah.

Thudawn danin tunkar Nilaini khan MIZOFED (LPG) Serchhip Branch chuan Serchhip Chanmari Veng-ah eirawngbawlna Gas sem tumin Gas sem turte hi YMA ten an enfiah hnuah buk tlinglo a tam lutuk avangin Legal Metrology te punin Consumers Association te nen an sawiho hnuah Eirawng-bawlna Gas te hi a buk tlinlohna chu a man tihniama sem nise tiin an rawt a. Amaherawh chu MIZO-FED Serchhip Branch Manager chuan hei hi Dan a nih loh avanga an sem theihloh thu sawiin, an Gas sem tumte chu thawnkir a nih tur thu leh Borkhola Plant a\anga Trip rawn kal mek chu a rawn thlen veleh Chanmari Veng-ah hian sem a nih dawn thu a sawi a.

Nimin khan Chanmari Veng-ah hian eirawngbawlna Gas hi sem leh tura tih niin mi 150 vel zet Gas lak tumin an intlar a, Gas semtu turte hian 407 Truck hmanga rawn phurin bur 100 vel an phurh thu leh a daihloh pawhin lak leh tur a awm thu sawiin Gas hi sem zui a ni a. Gas te hi buk leh vek niin bur 100 vel zingah hian buk tling bur 50 vel chiah a awm a. Gas semtute chuan a hma lama Gas buk tlinglo thawnlet tura tih tawh chu Legal Metrology lamin an enfiah hnuah a buk tling te chu DC phalna hmanga an rawn phurhchhuah thu sawi mah se an rawn phurh-chhuah zinga a zatve vel bak buk tling a awmlo a, a tir lama lakbelh tur a awm thu an sawi pawh lak belh a ni ta lo a, Gas lak tuma intlar zingah a zatve aia tam te chuan Gas hi an la theilo a ni.

Serchhip Chanmari Branch YMA President, F. Lalzawngkima chuan he an hmalakna hi mipui ten an pawisa sen zat hu Gas an lakna tur a nih thu sawiin, an Veng mipui ten hetianga an hmalakna hrethiama \ha taka an thlawp chu lawmawm a tih thu a sawi bawk.