District 3 te hi kan tipuitling ngei dawn - Zorama

MNF President, Zoramthanga chuan MNF an sawrkar a nih chuan Saitual, Khawzawl leh Hnahthial District te chu an function tir ngei dawn tih a sawi.

Nimin a MNF |awi East Block Conference-Cum-Campaign Kick Off hun Saitual Auditorium-a neih a hmanpuina ah he thu hi sawiin Zoramthanga chuan, “Pathian leh mipui zarah kan sawrkar ngei ang a, Saitual, Khawzawl leh Hnahthial te, Pu Hawla hova District function tir an huphurh leh an tih theihloh hi keini chuan kan tipuitling ngei ngei dawn a ni,” a ti a. “Kan hun hmasaah khan budget tlemte a bul \anin District 5 pawh kan tipuitling mai a, District tihpuitlin hi MNF tan thil har a ni ve lo,” a ti a. SEDP chu mi \henkhatin thil tih theih loh tur angin an sawi sak nia sawiin, “Central-in North East 8-te tan a sum dah pawh hi haichhuah thiam chuan State khat tan kum khatah cheng vbc. 12,000 vel a ni. Pu Hawla hova an haichhuah theih loh Budget piah lamah sum tam tak hi, Central-ah eng pawh sawrkar se keini chuan a haichhuah dan kan thiamin kan hre lawk vek a. Kan SEDP tihhlawhtlin chu thil awlsam lutuk a ni e,” a ti bawk.

He hunah hian |awi bialtu MLA a\anga bang ta, R. Lalzirliana pawhin thu sawiin Politics-a a mit men lai ngeiin \awi Bial in District an neih chu a duh ber a nih thu sawiin, “Hemi tihlawhtling thei tur MNF te nena thawhdun chu lungsi takin ka tithlu ta a ni,” a ti bawk.