Serchhip-ah Upate Ni hmang

Serchhip-a MUP Unit hrang hrang te chuan nimin khan Upa te Ni, International Day of Older Persons an hmang.

Nimin Oct. 1, 2018 khan khawvel pumah International Day of Older Persons hman a ni a, he Ni hi Serchhip-a Mizoram Upa Pawl (MUP) Unit hrang hrang te chuan anmahni remchan dan angin an hmang a, MUP Serchhip Chhim Veng Unit te chuan Lalpui-thanga Hall-ah he Ni hi hmangin he hun hi an Treasurer, B. Zoramsiama chuan kaihruaiin kum kalta chhunga an Member boral mi 9 te sunna hun an hman bakah MUP General Hqrs. President thuchah ngaihthlak a ni a, he hunah hian District Legal Servuces Authority a\angin mithiam ten Dan chungchang zirtirna an pe bawk.

MUP Kawn Unit te pawhin he Ni pual hian Laldinpuii te In, Serchhip Bazar Veng-ah hun hmangin he hun hi an President, T. Lal-hmingthanga chuan a kaihruai a, MUP General Hqrs. President in he Ni puala thuchah a siam chu chhiarchhuah niin Member boralta te sunna hun hman a nih bakah thusawi ngaihthlak a ni bawk.

United Nations Organisation (UNO) General Assembly chuan Dec. 14, 1990 khan Oct. 1 chu International Day of Older Persons atana hman tura relin hemi hnu kum 1991 a\angin he Ni hi hman \an a ni a, kumtin thupui neia hman \hin niin kumin hian ‘Upate Ham\hatna sualchhuaktu te chawimawi’ tih chu thupui ah hman a ni.