Kan pung tial tial - Lal Thanhawla

MPCC President leh Chief Minister, Lal Thanhawla chuan, “Inthlan a hnai tial tial a, Congress kan pung tial tial a ni,” a ti.

Nimin a Aizawl Lal Thanhawla Auditorium-a MPCC Political Session-ah Chief Minister leh MPCC President ni bawk, Lal Thanhawla chuan Congress an pun tial tial thu sawiin, Zoram dung leh vangah mithar an lawmlut reng tih a sawi a. Congress chhuahsantu hruaitu pahnihte chu an uiawm tih sawiin, Congress mipuiten an duhsak ber ber leh dinhmun \ha an pekte an nih thu leh chuti chunga party-ah an lung a awi lo a nih chuan a hotuber a nih angin mawh a phur ni te pawha inhriat chang a neih thu a sawi a, “Duhsakna leh dinhmun \ha an hmu chunga lawm nachang an hre lo a nih chuan kei leh Congress mipui mawh a ni ang em?” a ti a. “Pu Chawngkunga chuan Congress chu Rel Station lian ang a ni a, lut leh chhuak an awm reng a. Tunhma pawhin hruaitu liante an lo chhuak tawh a, mahse, Chunglam remruatna a ni zawk ang e tih mai tur a ni,” a ti. Chief Minister chuan Mizoram hmasawnna atan kawng hrang hranga hma an lakna te sawiin, “Hmachhawp tam tak kan nei bawk a, heng kan hmachhawpte tihlawhtling tur hian mawh kan phur a, kan hotu \henkhatten min chhuahsan mah se Congress party kan hlimin kan phur em em a, hmun hrang hrang a\angin min zawm thar an awm reng a ni,’ a ti bawk.