Hmasawnna tur ngaihtuah chung Vote thlak turin chah

Hrangturzo bialtu MLA, Vanlalawmpuii Chawngthu chuan ‘Tu hi nge bial hmasawnna min pe tu?’ tih ngaihtuah fo chunga bial mipuiten vote an thlak a pawimawh thu a sawi.

Nimin a Hrangturzo West Block Congress Committee in Khawlailung khuaa Conference an neih a hman-puina ah he thu hi sawiin Hrangturzo bialtu MLA, Vanlalawmpuii Chawngthu chuan Hrangturzo Bial enkawl tura an hotuten an dah ve hun chhung reilote ah khaw hrang hranga Development hmuh tur tam tak lo awm te chu bialtu MLA a nihna anga lawmawm a tih thu a sawi a. Heng hmasawnna an bialin an thawh leh an hmuh mek te chu bial mipuiten vote tur dik tak an vote vang a ni tih sawiin, Hmasawnna hnathawh hmabak tam tak la awm te thawk leh thei tura Congress Party a an hotuten Hrangturzo bial Candidate atana an chhawpchhuak leh chu lawmawm a tih thu sawiin, ‘Tu hi nge bial hmasawnna min pe tu?’ tih ngaihtuah fo chunga bial mipuiten vote an thlak a pawimawh hle tih a sawi bawk.

Hrangturzo biala Congress Candidate tur ni bawk Vanlalawmpuii Chawngthu chuan a Bial mipuite leh NGO pawl hrang hrang te, Party-a a thawhpui te leh Bial hmasawnna tur atana mi \hahnem ngai tak tak te nen hmasawnna tur atana inpawhtlang taka an thawkho \hin te chu nuam a tih thu sawiin, he bial enkawl chu a la kham lo hle tih a sawi a. “Tih tur tam tak hma-chhawp la awmte thawkho leh thei tur a min siam leh turin Hrangturzo Bial mipuite in vote hlu tak min pe leh \heuh turin ka han dil nghal che u a ni,” a ti bawk.

Nimin a he hun hman hi MPCC President, Lal Thanhawla bakah East Tuipui bialtu MLA, T. Sangkunga pawhin a hmanpui a, an Party zawm thar mi 29 te lawmluh an ni a, an zingah hian Kei\um khuaa ZNP VC Member, Ngurkhumi chu a tel a, ani hian lawmluh te a\angin thu a sawi bawk.