Chief Minister in Zemabawk-ah Food Testing Laboratory thar a hawng

Mizoram Chief Minister, Lal Thanhawla chuan Zirtawpni chawhnu khan Food Testing Laboratory thar chu Central Medical Store Building, Zemabawk-ah a hawng.

Food Testing Laboratory hawnna hunah hian Chief Minister, Lal Thanhawla chuan hun rei tak ata mipuiin an nghahlelh em em Food Testing Laboratory hawn a ni ta chu hriselna kawng kan zawhna ah mel lung pawimawh tak phunna a nih thu a sawi a. |henawm state a\anga ei leh in tur, sa, thlai thar leh thildang chawlut reng kan ngaih avangin thil \halo an pawlh nia ngaihna lian tak nei mah ila tih ngaihna dang a awm si lo a, ngaih \halo takin kan awmna a rei tawh hle tih sawiin, Laboratory changtlung tak kan neih tak avangin hemi kawnga kan harsatna hi a sutkian a nih dawn thu leh hriselna kawngah hmasawnna nasa tak a nih ngei beisei a nih thu a sawi a. Mipui mimir hriselna hi sawrkar chuan a ngai pawimawh hle tih pawh sawiin, khawsak harsa zawkte pawhin hriselna kawnga inenkawlna \ha tak an ban phaka a awm theih nan \an an lak thu a sawi bawk.

Food Testing Laboratory-ah hian ei leh in tur sawngbawlna atana thil hman chi hrang hrang - a hmel tihmawina (colouring agent), a tih rimtuina, a vawn\hatna, a tih thlumna te a test theih a. Mihring tana hlauhawm thei chemical chi hrang hrang awm te, ei leh in tura natna hrik bacteria chi hrang hrang te, thlai ei tura Tur hlauhawm amaha insiam leh pawlh a awm em tih te a endik theih bakah damdawi, a bik takin Antibiotc test thlengin a huam a ni. Food Testing Laboratory a khawl an dah te hi Analytical Instrument zingah khawvel huap pawha khawl changkang leh \angkai bera ngaih, High Performance Liquid Chromatograph te, Ion Chromatograph te, Atomic Absorption Spectometer te, UV-Vis Spectrophotometer te, Polarimeter te an ni a. Microbiology Laboratory a awm tel bakah a bika tui thianghlim siamna tur Distillation Unit leh Soxhlet Extractor te a awm tel a. Heng khawlte hian ei tur, damdawi leh zu (alcohol) sample a test thei dawn a ni. 

Commerce & Industries Department in project proposal siamin Food Testing Laboratory hi Export Development Fund (EDF) hnuaiah hmuh a ni a. Sum sanction zat hi cheng vbc. 3.08 niin Agricultural and Processed Food Products Export Development Authority (APEDA) in processing fee a lak hnuah Rs. 2,62,60,000/- chu Food Testing Laboratory siam nan hmuh a ni a. He project hi a tirah chuan Land Custom Station, Zokhawthar-a dah tura dil ni mahse hmun hrang hrang a\anga bungraw lo lut endik a awlsam zawk nan Aizawl-ah dah a ni ta zawk a ni.