Bru hruaikir hun tura ruahman tawpin Vawiin a\angin \anpuina tihtawp a ni dawn

Tripura Bru Relief Camp 6-a awm Bru te lokir hun tur ruahmanna hnuhnung ber hun bituk chu nimin khan a tawp a, August ni 25 leh nimin inkarah chhungkaw 42 chiah Mizoram-ah an lo kir a. Hetihlai hian Tripura sawrkar chuan heng Camp hrang hranga \anpuina an pek \hin chu Vawiin a\ang hian tihtawp a nih dawn thu an sawi bawk.

Home Department a\anga thudawn danin Bru laklet hun in\an hlim khan chhungkaw 3 chauh an lokir a, a hnu-ah chhungkaw 28 lokir lehin kar hmasa khan chhungkaw 11 an lokir leh a, tunah hian lokir duh nia insawi chhungkaw 3 an awm mek a ni. Tun dinhmunah chuan an lokir hun tura ruahmanna hun a tawp tak avangin Mizoram sawrkar chuan Bru laklet hna hi a chawlhsan fel tawh niin Home Department hotute chuan an sawi a, sawrkar laipui lamin thu dang an rawn neih leh chuan la ngaihtuah tur a ni ang an ti. Tripura lama thuneitute sawi danin Zirtawpni khan North Tripura District-a Kanchanpur leh Panisagar Sub-Division thuneitute chuan Relief Camp a \anpuina pek \hin chu Vawiin, October ni 1 a\anga tihtawp a nih dawn thu aurinna hmangin an puang a. Hei vang hian Relief Camp-ah te hian boruak a sosang hle a, Mizoram a kir duh leh duhlo te an in\hen phawk a. Sub- Division pahniha SDM te hnenah hian Mizorama an haw duh thu sawi a, an hming ziahluh an tum a, kir duhlote hian na takin an lo vau nia sawi a ni a, SDM Pisa an kal-kawngah an lo dang hlawm bawk a ni.

Hetihlai hian Mizoram Bru Displaced People’s Forum (MBDPF) hruaitute Mizoram Bru Displaced People’s Coordination Committee (MBDPCC) hruaitute chu an inep mek nia sawi a ni a, MBDPCC chuan vawiin a\anga \anpuina an dawn tihtawp a nih chuan lungawi lohna lantirna’n kawng dan chah hial an tum thu an sawi a. Kanchanpur SDM, Avedananda Baidya chuan an thutlukna siam chu thutawp a nih thu leh Bru hruaitute’n buaina an siam chuan khauh taka enkawl an ni ang, a ti a. Police lam pawh inringin Police tam zawk tirhluh belh an ni bawk.