Tuesday, 2 October 2018

Mizoram Asembly inthlanpui neih tura thawhho dan dapin ZPM leh PRISM te an inbia

Mizoram Legislative Assembly inthlanpui lo awm tur thlirhoin, Peoples Representation for Identity and Status of Mizoram (PRISM) Party leh Zoram People’s Movement (ZPM) hotu lian te chu nimin khan Aijal Club-ah an inkhawm.
He Inkawmhona kaihruaitu ZPM Leader, K. Sapdanga chuan Mizoram mipuiin sawrkar hmel thar an hmuh duh em avangin ZPM leh PRISM chu inthlan hunah \angho se tih rawtna leh nawrna a tam thu a sawi a, he rawtna hi engtia chhan tur nge tih sawiho \ula hriatna vanga inkokhawm an nih thu a sawi a ni. He hunah hian PRISM Party President, Vanlalruata chuan PRISM Party chuan Assembly inthlanpui neih tura Assembly bial 40 awm zinga bial 10-ah Candidate an puan tawh thu te, Bial 31-ah candidate siam an tum thu te, tunkar-ah Bial danga Candidate puan theih an inbeisei thu te a sawi a, chutih laiin mipui nawrna zahawm an tih avang erawh chuan PRISM Party chuan thawhho dan kawng dap chhunzawm an duh a rin thu a sawi. PPRISM Party chu Party a nih avang erawh chuan Symbol kalsan lova thawhho an duh a rin thu a sawi bawk.
He hunah hian ZPM palai, Dr. Kenneth Chawngliana pawhin mipui nawrna nasa tak vanga thawhho theih chu \haa a rin thu sawiin, PRISM Party chu an symbol kalsana ZPM zawm ve mai tura a beisei thu a sawi a, ZPM chuan bial 39-ah Candidate an dah a rin thu sawiin, tunah hian Bial \henkhata Candidate turte chu tihchian a nih tawh thu leh amaherawh chu mipui nawrna avang erawh chuan PRISM nena thawhho dan kawng dap chu ZPM hruaitute duhdan a nih a rin thu a sawi bawk. 
He inbiakna ah hian PRISM Party aiawhin an President Vanlalruata leh General Secretary, Lalrinzuala Chawngthu te an tel a, ZPM aiawhin ZPM Leader, K. Sapdanga leh ZPM Sr. Vice Chairman pahnih- Dr. Kenneth Chawngliana leh Vanlalhlana te an tel a, he inbiakna hi tluang taka neih niin tunkar chhunga inkawm chhunzawm leh an rel bawk.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...