Petrol pump enfiah a ni

Serchhip-a Legal Metrology-a thawk te leh District Consumer hruaitute chuan nimin khan Serchhip Petrol Pump an enfiah a, Serchhip Pump-a Petrol te hi a \ha tih an finfiah.
Tunhnaia Face-book kaltlangin mi pakhatin Serchhip Petrol Pump-a tuialhthei pekchhuah chu a chhiat thu a post thu kal zelah nimin khan Legal Metrology leh District Consumer hruaitute chuan Serchhip-a Petrol pump hi an enfiah a, Serchhip Pump-a Petrol chu a \ha tih an finfiah a, mipuite tan engmah hlauhthawnawm a awm loh thu Legal Metrology Inspector, Johny Zonunmawia chuan a sawi. He hunah hian Social Media-a Petrol Pump sawisel zawnga thu lo thehdarhtu pawh koh a ni a, ani pawhin thu belhchian dawllo a lo thehdarh avangin Pump neitute hnenah ngaihdam a dil bawk.
Serchhip District Consumer Association hruaitute chuan Serchhip Petrol Pump chu thu chiang hre mang si lova Social Media vela sawisel an awm fo \hin tih an sawi a, a sawiseltute an awm avanga khawtlang hruaitute hmuh lai ngeia check anih pawhin an sawisel angin a lo chhe ngai silo tih an sawi a. Serchhip mipuite chu Social Media kan hman danah kan fimkhur a \ul thu leh thu chiang hre lova mi sumdawnna tichhe thei zawnga thu thehdarh vak vak te chu a him loh thu sawiin, heng avang hian thubuai neih mai te pawh a hlauhawm thu an sawi a. Serchhip mipuite chu sumdawngte service leh an thil zawrh ah dan diklo a tih a awm emaw, a awm a an hria anih chuan Social Media a intimualpho mai lova District Consumer Association hruaitute emaw, Legal Metrology Department hotute hnena report hmasa \hin turin an ngen bawk.

Comments

Chhiar Hlawhte