CEC in Aizawl-ah thuthar thehdarhtute kawmin inthlanpui atana hmalakna te a hrilhfiah

November ni 28-a Mizoram General Election lo awm tura inpuahchana kal mek enfiah a lo kal Chief Election Commissioner, Om Prakash Rawat leh Election Commissioner dangte chuan nimin khan Aijal Club-ah thuthar lakhawmtute kawmna an nei a, Inthlanpui atana Mizoram in buatsaihna chu \ha tawk a tih thu a sawi.

Thuthar thehdarhtute a kawmna ah hian Chief Election Commissioner, OP. Rawat chuan political party hrang hrang an kawm tawh thu leh Chief Secretary leh inthlan kaihhnawih Secretary te pawh inthlanpui neih tur chungchang an sawipui tawh thu a sawi a. Commission chuan inthlanna felfai leh langtlang tak, buaina awmlo kalpui a neih theih nan a hma hrang hrang lak a nih thu te a sawi bawk. CEC chuan State Assembly Election atana a hmasa ber atan ‘Accessibility Observer’ ruat an nih tur thu te, Mizoram-a a vawikhatna atana ‘Pink Polling Booths’, thawktu hmeichhia hlangin an enkawl tur siam a nih dawn thu te a sawi a. Supreme Court thuchhuak angin Candidate-ten Nomination an file dawn ah Criminal Record an nei a nih chuan zep \hen awm lova ziak lang vek tur an nih thu te leh Model Code of Conduct leh Election kaihhnawih inkaihhruaina dangte bawhchhiat a nih thulha khua leh tui ten rang leh awlsam taka Mobile Phone app hmanga complaint an thehluh theiha tur cVIGIL app tlangzarh a nih thu te an sawi bawk.

Hemi hma niminpiah khan heng Election Commission Official te hi Mizoram NGO Coordination Committee hruaitute chuan kawmin Tripura Transit Camp a awm Bru, huntiam chhunga Mizorama let duhlo te chu Mizoram Electoral Roll a\anga paih turin an ngen a, ECI hotute chuan tun dinhmunah Election a hnaih tawh avanga paih mai a harsat tawh thu sawiin, amaherawh chu hun lokal zel ah sawrkarin hma a lak chuan paih theih loh tihna a ni lo tih an sawi a. NGO lam chuan tuna Mizoram-a Bru awmte hi Camp a awm te aiin an tam zawk a, harsatna nei lovin an chengho a, tuna lo let duhlo te hian chhuanlam an siam \hin hi chhuanlam tling ani lo tih ECI an hrilh a, Union Home Ministry pawh in \anpuina a pek ti tawpin an chhuanlam siam an ngaithla tawh lo tih NGO hruaitu ten ECI hotute hi hrilhin, ECI pawhin ngaithlaksak tawh biklo in Special Class of Voter-a an dahna hi ti tawp tawh turin an ngen nghal bawk.

ECI lam hian Tripura Camp ami te hi tun dinhmunah Roll-ah an awm avangin tun inthlan ah chuan vote an thlak theih nan ECI chuan ruahmanna a siam sak an ngaih thu an sawi a. Hetianga an ti lui dawn a nih chuan Mizoram-a an awmna Polling Station \heuhah tal vote thlak tir turin NGO lam hian ngenin Special Polling Booth siamsak lo turin an ngen ngal bawk a. ECI hian hei hi a hautak tur thu sawi mah se NGO chuan chu chu sawrkar in a tih dan an hriat mai an rin thu leh sawrkar kut anih thu in an chhang a ni.