District thar atan Budget-ah sum DAH dawn

ZPM (|angrual Pawl) Chief Ministerial Candidate, Lalduhoma chuan, "Kum 10 kal tawha Sawrkarin District pathum a lo puan tawhte hi ZPM sawrkar chuan a function theih nan budget-ah kan D-A-H ang," a ti.
Nimin a Saitual Auditorium leh Keifang kawn-a ZPM in inthlan Campaign an buatsaih ah he thu hi sawiin Lalduhoma chuan, "Mipuite hian District kan tawngpaw demand lova, kan hruaitute'n District min pek an tiam \hin vangin mipuite'n a hlawhtlin nan kan nawr a, an thutiamah an din loh avangin harsatna a lo thleng \hin zawk a ni," a ti a. "Kum 1998 daih tawhah MNF sawrkarin District pathum - Hnahthial, Khawzawl leh Saitual te District Headquarters ah puangin Notification a tichhuak a, vawiin thlengin heng Order sutna emaw, cancel na emaw a la awm lo. Chuvangin heng ah te hian District puan nawn a ngai tawh lo a, sawrkar tharin a tih tur chu Function a nih theih nan Budget ah D-A-H a ngai. Sawrkar kan hrawn mek hian April ni 1, 2018 thleng budget a pass tawh a, heng District 3 te function tur hian Financial Year kal mekah hian District 3 function tur hian Budget-ah an dah miau loh vangin tihdanglam theih a ni tawh lo. Pathian leh mipuite zarah ZPM hian Sawrkarna a chang a nih chuan Saitual District Demand Committee te hnenah ka hming sign-a kan lo tiam tawh angin, District function turin 2018-19 budget ah kan dah ang,” a ti a ni.

Popular posts from this blog

PAN CARD an tih teh fo hi - Laldinpuia