Maths Zirtirtute training

DIET Serchhip, Zoram Entu Pawl (ZEP) Serchhip leh Tata Trust, Mumbai te \angkawp buatsaih Serchhip SDEO huamchhunga Primary School leh Middle School-a Mathematics zirtirtute tana Training chu nimin khan neih \an niin ni 4 chhung a awh ang.

He training Serchhip DIET Multipurpose Hall, Serchhip Chanmari Veng-a neih hi Serchhip DIET Principal, Lalrammawia chuan hawngin zirlai ten naupangte an zirtirna ah hmasawnna nasa zawk an neih theihna turin hmun hla tak a\angin Resource Person tur lak sak an nih thu sawiin, hei hi a lawm-awm zia hriaa an training te \angkai taka hmang turin he huna tel Zirtirtute chu a chah bawk.

He training hi ZEP Serchhip-a Coordinator, Baby Lal\hakimi Chinzah chuan kaihruaiin Resource Person atan Priyanvada Barbhai, Director, Navnirmiti Learning Foundation leh Geeta Mahashabde, Universal Activa Maths Programme-a Director te chu hman a ni a. Primary School leh Middle School-a zirtirtu ten ni 2 ve ve training hi an nei ang.