YMA Branch te No sem

/
Serchhip District Urban Development Officer (DUDO), Vanthangpuii chuan Serchhip khawpui chhunga YMA Branch hrang hrangte nen Faina kawnga an thawhhona ah lawmthu sawina atan Inrinni zing khan Thingpui inna no dozen 2 \heuh a hlan.
Heng Thingpui in na no hlawnna puala inkhawm tawi Inrinni zing a Serchhip Sub-Hqrs. YMA Office-a neih chu Serchhip Sub-Hqrs. YMA President, R. Sanghmingthanga chuan kaihruaiin hetianga a nachang hria sawrkar Department hotu kan nei chu lawmawm a tih thu a sawi a. Hemi hnu hian Serchhip DUDO, Vanthangpuii chuan thu sawiin nikum lama Mizo-ram khawpui fai inelna neih ah Serchhip khawpui chuan Mizoram-a District Hqrs. 8 zingah 6-na dinhmun chauh a hauh pha tih sawiin, hetianga result \ha kan neih loh hnuah YMA, VC leh khawtlang mipui, nu nau thlenga kan thawhhona \ha tak kan neih zarah kumin ah chuan pahnihna dinhmun kan hauh tak thu a sawi a. Hetianga kan khawpui alo fai theihna tura YMA ten nasa taka tha an thawh avangin lawmthu sawina atan heng thingpui in no te hi an hlan thu a sawi a ni.
He hunah hian Serchhip Town chhung, Swachh Bharat Mission hnuaia UD&PA Department in an enkawl huam china YMA Branch 21 te hnenah No dozen 2 \heuh hlan a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »