Monday, 8 October 2018

Assam Police kut tuar te hnenah MZP in chhawmdawlna sumfai an semchhuak

MZP General Hqrs. chuan Bairabi Zophai hmuna Zofate Chawlhbuk sak tuma hnatlang te Assam Police in an tihbuaina a hliam tuarte leh thil bo te chhawmdawlna tura Vehbur a khawn te chu Inrinni khan an semchhuak.
MZP Conference Hall, MZP Pisapui Aizawl-a Chhawmdawlna semna hun buatsaih ah hian MZP President, L.Ramdinliana Renthlei chuan MZP anga hnatlanga thawkchhuak hliam tuar te kha chu hliam tuar turah an inngaih thu leh Journalist ten hliam an tuar a, vuak te an tuar ve chu an hrethiamlo tih an sawi a. “Mizo Journalist hliam tuar te hi kan zah che u a, chutih rualin kan chawimawi che u a ni. Social Media hrang hrangah kan hmu \hin a, ‘Mizoram Journalist te hi an taima tawk lo, awmhmunah an awm tawp a, internet a\angin news an lakhawm a, an chhuahchhawng mai mai \hin’ tih te kan hre \hin a, Vawiin ah hian MZP in kan hmuh chian em em chu Mizo Journalist te hi a \ul huna chuan an taima a, an huaisen a, an thawkrim a ni tih hi kan hmu chiang hle a ni,” a ti.
MZP General Hqrs. President chuan NGO ang chuan theihtawp an chhuah \hin tih pawh sawiin, “Kan theihna zawng zawng kan hmang ve \hin a. Thisen chhhuak hial leh Jail bang zut hial khawpin kan theihna kan hmang ve \hin a. A tawpna chu Sawrkar thuneitute tho tho a ni leh \hin a, a hlawhtlinna tak tak chu Sawrkar a ni zel a ni. Mizoram hi kan \henawm state te angin chimral kan la ni lo a, Mizoram hi chhan theih a la ni a, chhan tlak a la awm a Zoram chhan tur chuan ram hruaitu huaisen leh rintlak kan neih a ngai a ni. MZP chuan Mizoram leh Assam ramri chinfel a nih thuai theih nan hma a lak chhunzawm zel dawn a ni,” a ti bawk.
MZP in chhawmdawlna semna hun an buatsaih hi B. Vanlaltana Vice President MZP General Hqrs. chuan kaihruaiin Lalnunmawia Pautu, General Secretary hnen a\angin report ngaihthlak a ni bawk a. MZP in Bairabi Zophai buaina a hliam tuarte leh thilbo chhawmdawlna tura Mizoram hmun hrang hranga Vehbur an khawn a\angin Rs. 5,44,381/- hmuh a ni a, tun \umah hian mi 32 te hnenah a sum faiin pek chhuah a ni a, Bairabi Zophai buaina a an bungraw hman aiah Bairabi YMA Dekchi lian 4 leisak an ni a, midang ta an hawh Dekchi lian 4 lei a ni bawk a. Commercial Gas leh Bairabi khawtlang Mutbu 20 man hlan a ni bawk a ni. Bairabi Zophai buaina a Bungraw chhia leh thil bo tih hmaih palh leh report dawnloh a awm chuan MZP chuan a\ul angin a pe zel dawn a ni.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018