MNF in Congress hmachhawp chhunzawm tum

MNF President, Zoramthanga chuan Congress sawrkar term hnih chhunga an hmachhawp pawimawh leh thil \ha an tih an hriatte chu chhunzawma tihpuitlin vek an tum thu a sawi.

Nimin a Aizawl Mizo Hnam Run-a inkhawm buatsaih ah he thu hi sawiin MNF President, Zoram-thanga chuan kum 1998-a Congress sawrkarin District thar a puan 5-te chu MNF chuan changtlung takin a tipuitling vek a. Kum 2008-a MNF-in District thar a puan ve 3-te chu kum 10 chhung hian Congress in an tihlawhtling ve lotih sawiin, pawi an tih thu a sawi a. Pathian leh mipui zarah MNF hian sawrkarna a chang leh ngei turah an beisei thu sawiin, heng District 3-te hi a takin function-tir vek kan tum a ni, a ti a. "Sinlung Hills Council siam thu ah te, Sialkal Range Development Council a lo siam te, Union Home Ministry nen Bru Hnam chungchanga hma a lo lakte leh thil dang pawimawh Zoram tana \angkai leh \hate chu tihhlawhtlin vek kan tum dawn a ni," a ti bawk.

He hunah hian Zoramthanga chuan Election-in Notification tichhuakin inthlan hun a puang tawh tih sawiin, Contract/Supply leh hna inpek khap vek tawh a nih thu a sawi a, Dan bawhchhia hria chuan MNF Gen. Hqrs. ah hriattir zel tur a nih thu a sawi bawk.