Political party te hriat tur pawimawh hrilhfiah an ni

Nimin chawhma dar 11:00 khan Serchhip DC’s Conference Hall-ah MLA inthlanpui lo awm tura Political Party hrang hrangten hma an lakna atana an hriat tur \ulte in hrilhhriatna hun chu Chuauhnuna, Addl. DC, Deputy District Election Officer ni bawk hovin neih a ni.
He hunah hian Deputy District Election Officer chuan training buatsaih anih chhan sawiin Party hrang hrangten campaign-na atana phalna an lakna dan tur a nih thute, an dilna te chu online application ‘Suvidha’ ah dahluh vek tur anih thute a hrilhfiah a. Suvidha chu Computer-a Application pakhat anih thu leh kum 2014 a\anga hman \an anih thu sawiin, Party tin hruaitute chu dan zawm \ha turin a sawm a, an party leh an candidate te tawrhna la thlen thei thil laka fimkhur turin a chah bawk.
He hunah hian Serchhip SDO (Sadar), R. Vanrengpuia chuan inthlanpui atana kan in-buatsaihna kawngah Public Meeting, Lirthei hman tur leh Information Office hawn chungchanga Party te hriattur pawimawh sawifiahna a nei ve bawk a. Phalna dil dan te, dilna siam dan tur te leh thil pawimawh dang dangte a hrilhfiah a, sawrkar in Rate a siam hrang hrangte (rate chart) pawh order fel tak nena tihchhuah a nih thute a hrilhfiah bawk. He hunah hian District chhunga Political Party hrang hrang aiawhte an tel \ha hle a ni.

Popular posts from this blog

PAN CARD an tih teh fo hi - Laldinpuia