MNF in MLA \anglai an Party-ah an lawmlut


'Tunah zet chuan Congress kulhpui a chim ta' - Zoramthanga



Kar kaltaa MLA a\anga banna thehlut, |awi bialtu MLA R. Lalzirliana leh MPC MLA, Lalthanliana te chu nimin khan MNF-ah lawmluh an ni a. MNF President, Zoramthanga chuan tunah zet chuan Congress kulhpui a chim ta tih sawiin, Vote chhiar zawhah Pathian hnathawh ropui tak an chungah alo lang dawn niin a sawi.

Nimin khan Aizawl-a Mizo Hnam Run-ah Special Programme hman niin he hunah hian MNF President, Zoramthanga chuan heng MLA hlui leh MLA nilai bakah hian anmahni zuitu mi \hahnem tak leh midangte chu MNF-ah a lawmlut a. He hunah hian MNF President, Zoramthanga chuan tunah zet chuan Congress kulhpui a chim ta tih sawiin, “India ram State-ah Punjab tih lohah chuan an tla fai vek tawh a, North East State an \hatna ah tla fai vekin Mizoram chu a zik zuah awmchhun kan niin a valh kan zip chho mek a ni. Congress Minister, MLA leh Party Hqrs. bakah Unit thlenga nihna neiten an tlansan chum chum a. Heng te hi MNF thawhrah a ni lo a, Lalpa'n Congress paiha MNF sawrkar tir a tum vang, chung lamin min hrilhlawkna a ni. Vote chhiar zawhah Pathian hnathawh ropui tak kan chungah a lolang dawn a ni,” a ti a.MNF an sawrkar hunah a harsatna awm hrang hrangte sutkian a nih tur thu leh kum 15 chhung sawrkarin lirthei chhiah a lak lawk pawh tih danglam a nih tur thu a sawi bawk.
He hunah hian lawmluhte a\angin Home Minister hlui, R. Lalzirliana pawhin thu sawiin District an tih puitlin chuan rethei an ngaihsak tihna a nih thu sawiin, retheite ngaihsaktu tur MNF a zawm tih a sawi a, ramri humhalh ngam hotu huaisen a duh thu pawh sawiin, “Bairabi ramri-a Ch. Chhunga ram chinah MZP-ten Zofate Chawlhbuk an sak lai khan Home Minister ka ni a, kei chuan ramri humhalh nan leh kan MZP-te pui turin kan Police-te kha Silai chelek mai turin ka chah a, ka hriat miah lohin CRPC 144 kha Pu Hawla chuan a lo puantir hnan daih a, nasa takin ka ang a, ka thinrim hle a. Ramri humhalh ngamlo hotu zui hi ka peih tawh lo a ni,” a ti bawk.
He hunah hian Lalthanliana, MLA pawhin thu sawiin MPC chhuahsana MNF a zawm thu sawiin, “Politics hi Pathian telna tlakah ka ngai a, chu chu MNF-ah hian ka hmu a ni. He party-ah hian ngaihngam leh lungsi takin kan thawk ho ang,” a ti bawk.

Popular posts from this blog

PAN CARD an tih teh fo hi - Laldinpuia