Wednesday, 15 August 2018

RKVY hnuaiah Mizoram tan project 111 enkawl nan cheng vbc 11.87 pek a ni dawn

Union Minister of State for Agriculture & Farmer Welfare, Krishna Raj-i chuan a department enkawl hnuaia hmalakna kal mek RKVY hnuaiah Project za sawm pakhat (111) enkawlna turin Mizoram chu cheng vbc. 11.87 pek a nih tur thu sawiin, Mizoram-ah Sangha tam tham tak thara Blue Revolution thlentir theih nia a hriat thu a sawi.

Aizawl-a cham mek Union Minister of State for Agriculture & Farmer Welfare Krishna Raj-i hian nimin khan Aizawl-a Chief Ministers’ Conference Hall-ah thuthar thehdarhtute kawmin RKVY hnuaiah Mizoram tan project 111 enkawlna tur sum hi Central-in za zela 90 a tum anga. a bak 10% chu state sawrkarin a dolet ve na tur State Matching share a nih tur leh pawisa te hi pawmfel a nih tawh thu a sawi a. Loneitute ham\hatna tur kawng hrang hranga an ngaihtuah thu sawiin, Oil Palm chingtute chu a let ngaa an thawh chhuah ti pung turin sawrkar laipui chuan ruahmanna a siam thu leh chak taka an kal pui mek thu a sawi a, Oil Palm chingtute \anpui an nih theih nan hemi chungchang ngaihtuah tur hian hmarchhak state Agriculture Minister zawng zawng kohkhawm a rilruk thu pawh sawiin, Oil Palm Refinery din tura dilna pawh a lo ngaihtuah zui tur thu a sawi bawk a. Agriculture leh Horticulture tih changtlun nan sawrkar laipui chuan chak taka hma a lak thu a sawi bawk.
Union Minister of State for Agriculture & Farmer Welfare chuan Mizoram-ah dil leh lui \ha tak tak te tam avangin Sangha chi thlahna hmun siama Sangha note tam tham tak thar a har dawn lo a, hetianga tih a nih chuan Sangha khawitute sum lakluh nasa takin a tihpun theih ang, a ti a. Hemi kawngah hian Chief Minister leh sawrkar hnathawkte chu project siama sawrkar laipuia thehlut turin thu a râwn a ni.
Union Minister \awiawmtu Mizoram Chief Minister, Lal Thanhawla pawhin Union Minister lo zin chu Horticulture leh Agriculture lamah hlawkna tam tak an neih phah dawna a hriat thu sawiin, Mizoram mamawh an thlente pawh \ha taka an dawnsawn avanga lawmawm a tih thu a sawi a. Oil Palm chu sawrkarin a tuipui hle tih pawh sawiin, Refinery din an lo dilna te, inkalpawhna kawng \ha zawk sial an lo dilna te Union Minister hian lo ngaihtuah a intiam thu a sawi a. Union Minister-in Mizoram a rawn tlawh chu state-in a hlawkpui ngei a beisei thu a sawi bawk a ni.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018