Bank hmalak dan thlirho

State Banker’s Committee Mizoram chuan nimin khan Secretariat Conference Hall, New Secretariat Complex Aizawl-ah Quarterly Meeting neiin an hmalakna hrang hrang an thlirho a. He hun hi Finance Department Secretary, Sawi-hlira MFAS chuan a kaihruai a ni.

State Level Banker’s Committee Mizoram Quarterly Meeting in a tarlan danin kum 2017-18 chhungin Mizoram-ah Bank 27 awm in Branch 205 a awm a, heng Bank hrang hranga sum dahluh chu cheng vbc. 9902.13 niin Loan pekchhuah zawng zawng chu cheng vbc. 4580.88 a ni a, Credit Deposit Ratio (Sum dahluh a\anga Loan pekchhuah) chu 46.26 a ni. Priority sector-a loan pekchhuah chu cheng vbc. 2832.56 niin Agriculture, Crop Loan leh Micro, Small and Medium Enterprise (MSME)-a loan pekchhuah pawh cheng vbc. 464.74, cheng vbc. 172.29 leh cheng vbc. 1084.76 \heuh a ni. Advances on Services & Others-a loan pek chu cheng vbc.172.29 a ni a, Non-Priority sector a loan pek chu cheng vbc.1388.07 a ni bawk.

Hemi hun chhung hian Prime Minister Employment Generation Programme (PMEGP) hnuaiah loan 624 pek niin a vaiin cheng vbc. 19.05 pekchhuah a ni a, Education loan pawh mi 70 hnenah pek niin cheng vbc. 1.76 pek a ni a. Housing loan pawh mi 2593 hnenah pek niin a vaiin cheng vbc. 133.11 pekchhuah a ni a, Self-Help Group (SHG) hnuaiah loan 442 pek niin hetah hian cheng vbc. 7.59 pekchhuah a ni bawk a, Transport operators hnuaiah mi 106 hnenah loan cheng vbc. 5.46 pek a ni bawk.

Kum 2018-19 chhunga Government Sponsored Scheme (GSS) hrang hrang hnuaia Bank Loan pektur (target) atan a ruahman chu, Credit Linked Subsidy Scheme atan 2000, NRLM atan 2071, NULM atan 800 leh PMEGP atan 818 a ni.