Thursday, 30 August 2018

Category-I ah Mizo hlang awm turin Court in rel

Mizoram State quota-a Technical Course zir tur thlannaa Category-I a awm ve ngiata Mizoram Chakma Students’ Union (MSCU)-in Gauhati High Court-a Mizoram sawrkar an khinna chu Principal Bench chuan niminpiah khan ngaihtuahin, Mizoram sawrkar aiawha Ukil-in CAT-I-a Mizo hlang awmtir a ngenna chu a phalsak.
High Court hian nizan hmasa dar 7:00 vel khan order chhuahin, kumin bikah, Category-I a Mizo hlang awm tir turin thutlukna a siam a. Higher & Technical Education (H&TE) Department chuan hemi atan hian hna thawk nghalin MBBS leh BDS zirturte kovin ‘counselling’ an neihpui nghal a. Naktuk Zirtawpni hi Admisssion tih theih huntawp anih avangin nizan hmasa la la-a ‘counselling’ hi kalpui nghal anih thu H&TE Department hotute chuan an sawi.
H&TE Joint Director sawi danin tuna Counselling neih hma hian 1st Round leh 2nd Round neih a ni tawh a. Hemi-ah hian NEC leh MIMER-ah Seat 62 dah tawh niin NEC quota MBBS 1 leh BDS 2 leh Central pool MBBS seat 18 leh BDS seat 7-te allotment ti turin an ti ta chuk chuk a. Nizan hmasa khan NEC leh Central pool tih zawh a ni a, nimin khan MIMER tihchhunzawm leh a ni. K. Zodingliana chuan Mizoram sawrkar aiawha ding, Ukil Vinay Dutta leh JC. Zonunsanga ten Gauhati High Court-ah theihtawp an chhuah hnuin niminpiah khan ‘Stay’ hlihna Principal Bench chuan a tichhuak tih a sawi a. Nizan hmasa dar 8:00 a\angin ‘counselling’ an tih \an nghal thu leh zirlaiten seat an ch├ón loh nan theihtawp an chhuah thu a sawi a ni. 

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...