Tuesday, 7 August 2018

New Serchhip North FC leh Chanmari FC in Final an lut

Serchhip District Football Association buatsaih Independence Day Football Tournament 2nd Division chu nimin khan Semi Final khelh niin New Serchhip North FC leh Chanmari FC ten an khingpui hnehin Final an lut.
SDFA buatsaih Independence Day Football, Screening Tournament ni bawk khelh mekah hian nimin khan DC’s Playground, Khawtetlang-ah 2nd Division Semi Final khelh niin inkhel hmasa zawkah New Serchhip North FC chuan Bungpui FC, Hriangtlang chu 2-1 a hnehin Final an lut a, New Serchhip North FC tan hian K. Laldin-chhuahpuia leh K. Lalmuanchhana ten goal khungin Bungpui FC tan Lalromawia chuan goal khat a khung bawk.
Nimin a 2nd Division Semi Final inkhel hnuhnung zawkah Chanmari FC chuan 2-1 in Chhiahtlang Kawn Veng FC chu an hneh a, Chhiahtlang Kawn Veng FC tan Rochamliana chuan goal khung hmasa mah se Chanmari FC tan Felix Lalruatsanga leh C. Lalrintluanga ten goal khat ve ve an khung a ni.
Heti hian New Serchhip North FC leh Chanmari FC te hian naktuk, Ningani khian Final an khel dawn a, Final-a chak zawk zawk hi Season thar-ah 1st Division-ah an kaisang dawn a, Final a chaklo zawl Team te hian 1st Division-a point hmu hniam ber dawttu nen 1st Division hmunruak hnawhkhah tumin Play-Off an khel leh dawn a ni.
Vawiin ah 1st Division zo dawn :
Vawiin hian Independence Day Football 1st Division match hnuhnung khelh a ni dawn a, New Serchhip FC in Final an luh tawh laiin an khingpui tur Vawiin hian a hriat theih ang :
9:30 P&E Veng FC Vs IOC FC
11:30 AWC FC Vs Vengchung FC
1:30 New Serchhip FC Vs Chhim Veng FC
3:30 FC S. Kawnpui Vs Hmar Veng FC

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...