Friday, 17 August 2018

Cheng nuai 244.85 senga sak thar DIET Siaha Building hawn a ni

School Education Minister, H.Rohluna chuan nimin khan cheng nuai 244.85 senga sak District Institute of Education and Training (DIET), Siaha Building thar a hawng.
Siaha-a DIET building thar hawnna hunah hian School Education Minister, H. Rohluna chuan DIET building thar 6 sak zingah a hla ber DIET Siaha hawn hmasak ber a nih leh a hawngtu-a a \ang chu lawmawm a ti thu sawiin, Hmarchhak State te zinga Mizoram DIET-ah chiah hian B.Ed zirna a la awm thu a sawi a. Chu chauh nilovin hmarchhak State dang ten an neih loh pianphunga rualbanlo te tan pawh B.Ed Special Course zirna SCERT hnuaiah a awm thu sawiin, hei hi Zirna lama Mizoram in hma kan sawn tawhzia lanna pakhat a ni, a ti a. Education a hma ka sawn theih nan Zirlai naupang leh nu leh pa an pawimawh rualin, a pawimawh ber chu Zirtirtute an nih thu pawh sawiin, Zirtirtute tuaitharna leh tahhriamna tur hmunpui DIET building thar an hawn hian an Trainees te leh Faculty member te rilruah kan ram zirna tih hmasawn leh a standard tisang tura phurna, inpumpekna leh chona thar pe se a duh thu sawiin, “DIET building thar hian hmasawnna kawng thar zawhtir mawlh che u rawh se,” tiin Faculty Member leh Trainees te duhsakna a hlan nghal bawk.
DIET Siaha Building thar hawnna inkhawm hi SCERT Director, Laldawngliani Chawngthu chuan kaihruaiin Khual zahawm School Education Department Secretary & Commissioner, Esther Lal Ruatkimi chuan ram leh hnam himna, dinchhuahna leh hmasawnna chu Education-ah a awm tih hi hre reng turin DIET Siaha-a Faculty member te leh Trainees te a chah bawk.
Nimin a hawn tak Siaha DIET building thar hawn tak hi Zopa chhiara chhawng thum (3) niin a building pumpui zau zawng hi 846.54sqm a ni. a Ground Floor hi 292.96sqm a zau niin, Class room (54 capacity), Computer Lab., Principal Room leh Establishment Room a awm a. 1st Floor hi 279.20sqm a zau niin Class room, Resource Centre leh Faculty Room te a awm a, 2nd floor hi 274.38sqm a zau niin, Class room, Science Lab leh Library te a awm bawk.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...