All NGO, All Party leh Sawrkar duhdan kalhin Bru Relief Camp-ah E. Roll ennawn mek a ni

Election Commission of India (ECI) in Tripura Bru Relief Camp-a Electoral roll ennawn hna kalpui tura ruahmanna a rawn siam angin, tun thla ni 20 a zofel hman turin Tripura-a Bru camp hrang hrangah form 6,7 leh 8 hmangin Electoral Roll ennawn mek a ni.

Mizoram Bru Displaced People Forum (MBDPF) General Secretary, Bruno Msha sawi danin, Election Commission of India ruahmanna siam angin leh Mizoram sawrkar a Election Department hmalakna in tunkar Thawhlehni a\ang khan Tripura Bru Refugee Camp a awm Mizoram khua leh tui te Electoral Roll a thun thar tur te leh paih ngaite paihna tur Form 6,7 leh 8 hmangin Electoral Roll ennawn hna thawh \an a ni a, Electoral Roll ennawn hna buaipui tur hian a hranpa in sawrkar mi leh sa zingah Refugee Camp a kal erawh an awmlo thung. Bruno Msha chuan, heng Form 6,7 leh 8 hmang hian Camp hrang hrangah Roll ennawn hna ngawrh taka buaipui mek a ni a, ECI ruahmanna siam angin August 20, 2018 a zofel hman turin hmalakna kalpui mek a ni tih a sawi a. Kum 2015 khan form 6-8 hmang hian Bru camp hrang hrangah Roll ennawn hna kalpui alo ni tawh a, amaherawh chu Mizoram a NGO Coordination Committee te dodalna vangin form 6-8 hmanga roll ennawnna hi cancell alo ni tawh a ni.

Election Commission of India (ECI) chuan Tripura Relief Camp-a Bru-te tan an awmna hmuna Electoral Roll ennawnna (revision) buatsaih turin Mizoram sawrkar a hriattir tawh a, Mizoram All NGO leh Political Party-te chuan Mizoram páwna Electoral Roll Eevision tih an duh loh thu sawinawn lehin Central YMA President, Vanlalruata chuan, November 6, 2015-a hemi chungchanga an thutlukna chu NGO leh political party-te dinna a nih thu a sawi a, An ngaihdan hi Mizoram sawrkar buatsaiha Official, NGO leh political party aiawhte inràwn khawmna tunhnaia neih ah pawh an dinna ala ni reng tih an hriattir thu a sawi bawk. Mizoram NGO Coordination Committee leh Mizoram-a political party hrang hrangte chuan, November 6, 2015 khan Tripura Refugee Camp-a Bru awmte tana Special Summary Revision of Electoral Roll neih a nih lohna atan a \ul anga hmalakho an rel tawh a; an thurel bawh-zui hian NGO hruaitute chuan sawrkar laipui te pawh an dawr bakah Mizoram a\anga E. Roll enfiah tura kal turte pawh an lo dang tawh a ni.