MZP in hnamdang chungchangah hma la zelin hnamdang 18 thawnlet an ni tawh

MZP General Hqrs. thuchhuak angin Zirtawpni a\ang khan Vairengte Check Gate-ah MZP Sub-Hqrs.Vairengte hruaitute leh member te chu an duty \an a. MZP ten Assam National Register of Citizen (NRC) a chuang lo Aizawl leh Vairengte-a an endikna ah NRC a chuanglo Mizoram rawn luh tum mi 18 an thawnlet tawh bawk.

MZP Sub-Hqrs. Vairengte hruaitute chuan Zirtawpni zing a\ang khan Vairengte Police Checkgate-ah Assam NRC a chuanglo, Mizoram rawn luh tum ten endik hna MZP ten an kalpui tih sawiin, he endik hna an thawh hi Inrinni zing dar 2:00 khan SDO (C), Vairengte ngenna angin tihtawp lailawk rih a nih thu leh an kal zel dan tur a ranglamin an sawiho dawn tih an sawi a. Thudawn danin, Vairengte Police Checkgate a duty MZP te hian Zirtawpni zing a\anga Inrinni zing dar 2:00 thleng khan Assam NRC a chuanglo mi 12 thawnlet an nei a, an duty chhungin document felfai neilo te chu Temporary ILP pek chhuah pawh an phallo a, he an hmalakna ah hian Vairengte Police te nen \ha takin an thawkho ni a hriat a ni.
Hetihlai hian MZP chuan Zirtawpni-a Aizawl khawpui-a ILP leh Assam NRC a chuang lo leh permit neilova sumdawngte dapchhuah hnatlang a neih ah mi 150 man chhuah an ni a, an zinga mi 6 te chu Assam NRC a chuanglo an ni a, mi 23 thuneitute hnenah an hlan nghal.
Thuchhuah an siamah MZP chuan Sawrkar leh thuneitute pawhin theihtawp chhuaha hma an lak mek lai a nikhat hnatlanna-a mi \hahnem tak manchhuah tur an awm chu pawi an ti hle tih an sawi a, heng hnamdang dan lova khawsa te hi permit neilo bakah anmahni leh anmahni lo in sponsor te leh hnamdang vekin an lo sponsor te an ni hlawm tih an sawi a ni.
MZP chuan Assam NRC a chuanglo te chu Megalaya, Tripura, Arunachal Pradesh, Manipur leh Mizoram-ah te an tlanchhe hlawm ni a hriat a nih thu leh Mizoram-ah pawh \hahnem tak an lo lut ve ngei a an hriat thu an sawi a, sawrkar thuneitute chu ILP pawh NRC-a chuang lo chu tunhnuah pe chhuak tawh lo turin a ngen nawn leh a. Mizoram chhunga Local Council/Village Council thuneitu zawng zawng te chu hnamdang ILP issue chungchangah document felfai lo chu hriatpuina lehkha lo pechhuak lo turin an ngen tih an sawi bawk.

Popular posts from this blog

PAN CARD an tih teh fo hi - Laldinpuia