Wednesday, 8 August 2018

Bru lungawilo ten pawl thar an din leh

Tripura-a Bru Relief Camp hrang hranga tlawmngai pawl, khawtlang hruaitute leh sakhaw hruaitu intelkhawm chuan Mizoram Bru Displaced People Coordination Committee (MBDPCC) an din.
He pawl thar hi din a ni tih niminpiah khan an pawl President, Laldingliana chuan Kanchanpur-ah thuthar thehdarhtute a hrilh a, he pawl thar lo din chhuahna chhan chu MBDPF hruaitute, Central sawrkar, Mizoram sawrkar leh Tripura sawrkar aiawhten July ni 3-a New Delhi-a inremna thuthlung an siamah hun rei tak a\ang tawha Bru mipuiten an lo phut tawh an ham\hatna tur thil tam tak an thlauhthlak vang niin an sawi a, an thilphutte chu Bru-te tan Area Development Council siamsak te, thlai chinna tur ram hectare 5 \heuh chhungtin tana pek te, Model Village dinsaka, chutah chuan In 500 aia tlem lo dah te, Central sawrkar a\anga pawisa dawn tur awm zawng zawngte Mizorama an hruaikir hmaa pek te, Mizorama hruaikir an nih hma, Camp-a an la awm lo lai ngeia Electoral Roll ennawn sak leh, Electoral Roll-a hming chuanglo te thun vek te, Mizoram sawrkarin Mizoram mi a enfiahnaa la telh loh mi 1000 vel te hruaikir an nih hmaa enfiah leh vek te leh camp-a awm kum 21 chin chunglam thubuai nei zawng zawngte thubuai tihtawp sak te a ni.
An thilphutte hi sawrkar laipuiin a hriat theih nan Union Home Minister, Rajnath Singh hnena Memorandum thehluh ni se an ti a, an Memorandum chu Union Home Minister hnena thawn turin Dasda BDO hnenah hlan ni se, hemi ni hian kawng zawhin mipuiin Memorandum thehluttu an pawl hruaitute chu \awiawm se an ti a ni. Mizoram Bru Displaced People Coordination Committee hian Tripura Relief Camp a\anga Mizorama let tawh te \anpuina leh chhawmdawlna a inanga pe tura Bru Coordination Committee, Elvis Chorkya kaihhruaiin sawrkar laipui a ngen chu thil tih awm loh nia an ngaih thu an tarlang a, heng mite hian an thil nawr chhuah an dawng ve zel dawn a nih chuan Tripura a\anga Mizorama pem Mizo chhungkaw 83 te pawh hetiang ham\hatna hi dawng ve awm nia an ngaih thu an sawi a ni.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP