Thursday, 2 August 2018

Training turte kokhawm

Nimin khan Serchhip-a UD&PA Department chuan Serchhip DC’s Conference Hall-ah DAY-NULM hnuaia Employment Through Skill Training & Placement-a Training turte tana hriat tur \ulte inhrilhhriatna hun an buatsaih.
DAY-NULM hnuaia Employment Through Skill Training & Placement kaltlang hian Motor Driving ah mi 30, Tailoring ah mi 80, Beauty & Wellness ah mi 30 leh Food & Beverage ah mi 30 te training tura thlan an ni a. Heng bakah hian General Duty Assistant, Domestic Data Entry Operator, Two & Three Wheeler Technician leh Unarmed Security Guard training duhte tan dilna hun an hawng mek bawk a. Training Providers- AISECT, KABOD, ASCENSIVE leh ETERNITY PARTNERS ten Serchhipa Training Centre an hawnah te a thlawn in an zir dawn a ni.
Nimin a heng training turte tana hriattur \ul in hrilh hriatna hunah hian District Urban Development Officer, Vanthangpuii chuan NULM component pakhat, Employment Through Skill Training & Placement (EST&P) chu khawpuia miharsa te leh rethei zawk ten eizawnna kawng an dap theihna tur atana sawrkarin a ruahman a nih thu sawiin, hetiang thiam zirna training a buat-saih sak \hin chu thil lawmawm tak anih thu a sawi a. Eizawnna tlak thiamna tak tak paw-chhuak turin training tura thlan te chu duhsakna a hlan bawk.
He hunah hian Grace Lalrinfeli, District Manager chuan training tur an thlan dante leh training kalphung turte a sawi a. Taima taka training tur leh chhuanlam ho te te hmanga training \hulh lo tura chahin, Training pe tura an thlante pawhin an zirlaite mamawh ang an pe thei lo anih chuan ban theih an nih thu a sawi a. Taima taka training chhuakte hnenah hian India sawrkarin a hriatpui Certificate an hlan tur thu sawiin, an zirlaite an zir zawh hnuah an hnawthawh tur an buaipui sak bakah hma an lak \anna tur loan thlenga an buaipui theih tur thu a sawi bawk.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP