Education Minister ni mek hi Edcation Minister ni tlakah ka ngai lo - Dr. R. Lalthangliana

MNF Vice President leh Education Minister hlui, Dr. R. Lalthangliana chuan School Education Minister ni mek Education Minister ni tlakah a ngailo tih sawiin, MNF a sawrkar veleh Pu Hawla Zu Lipui an sah darh vek dawn tih a sawi.

Inrinni kaltaa Khawbung khuaa MNF East Tuipui South Block buatsaih, SEDP zirhona leh Political Training a hmanpuina ah he thu hi sawiin Dr. R. Lalthangliana chuan, "Education Minister-in zirtirtu indaih loh chungchangah ‘Inthlan a hnai tawh a, ka khawih ngam lo’ a ti hi Education Minister ni tlakah ka ngai lo a. Kum 9 leh thla 8 chhung khan chinfel vekna hun tam lutuk a nei a, engmah a ti lo a ni," a ti a. "Kan hun lai khan Hindi Teacher 1187 te, RMSA, SSA bakah zirtirtu leh thawktu tam tak kan la a, hlawh lak theihloh leh ban kan nei ve lo. Congress sawrkar hian ama lak ngei Hindi Teacher 1305-te chu ruai chhunzawm thei lovin a ban vek. Keini kha chuan Primary School naupang nuaikhat singrukte kha a thlawnin chhun chaw leh zirlaibu kan pe a nih kha. MNF kan sawrkar ang a, zirtirtu indaihlo te, School building rawih tawh lutukte hi thuam \hain kan chingfel nghal ang," a ti a. "Mi tam tak nunna suattu, chhungkaw tam tak tibuaitu, hmeithai leh fahrah siamtu khawl, HIV nasa taka tipunluntu, KS leh Zu zuartute chauhin a hlawkna an tel leh kan Mizo kristian nun nasa taka tichhetu Pu Hawla Zu Lipui hi MNF sawrkar hunah kan sah darh vek dawn a ni," a ti bawk.

MNF Vice President, Dr. R. Lalthangliana hian Inrinni zing khan Khawbung Higher Secondary School chu tlawhin School Principal leh thawktu dang ten an lo dawngsawng a, khawtlangin tlawmngaia an lo enkawl \awk \awk he School hi Lumpsum Grant-in-Aid-in MNF sawrkar veleh hlankai a nih tur thu leh kum hnih (2) hnuah pass percentage azirin Adhoc Aided School-ah hlankai a nih tur thu Dr. R. Lalthangliana chuan a hrilh bawk.

He hunah hian MNF Hqrs. a General Secretary, Ramthanmawia pawhin an hotu ten he Bial enkawl tur hian an ruat tih sawiin, "Mite chu tluklo mah ila, Pathian in chhungkua mahni \anghma hai ngai lovin min siam tawh a, bial mipui tan ka theihna zawng zawnga inpumpeka hnathawh kawr hak ve hi ka duh," a ti a. "Min enchhin ve a nih chuan bialtu MLA mak leh danglam tak in hmu ang," tiin Congress-in hei chen an enkawl chungin an kawngpui te, sawrkar building leh development-te chu a \huanawp hle tih a sawi bawk.