Ruihhlo Do Core Committee \hutkhawm neih a ni

‘Ruihhlo dona kawngah nasa taka hmalak tlan a \ul’ - CM

Ruihhlo Do Core Committee chu nimin khan an Chairman, Chief Minister Lal Thanhawla hovin Chief Minister Office Conference Hall-ah an \hukhawm a. Chief Minister chuan ruihhlo leh a kaihhnawih thil ti an tam zel chu a pawiin, a dona kawngah nasa taka hmalak tlan \ul a tih thu a sawi.

Ruihhlo Do Core Committee \hutkhawm ah hian Chief Minister chuan ruihhlo leh a kaihhnawih thil ti an tam zel chu a pawiin a dona kawngah nasa taka hmalak tlan \ul a tih thu a sawi a. Mizoram chu ramdang pahnih nena inri a nih bakah heng \henawm ramah hian ruihhlo leh ruihhlo a sumdawnna hi a hluar hle a, Mizoram-ah pawh \henawm ram a\angin ruihhlo a lo luh nasat thu leh hei hi State ralmuan avang te pawh a ni theih thu a sawi a. Ruihhlo dona kawngah Sawrkar ang pawhin nasa taka \an lak a ngaih thu te, \halai duhawm tak takte ruihhlo bawiah an tan belh zel loh nan theihtawp chhuah a \ul thu te sawiin Chief Minister chuan, tun kum hnih khat chhunga ruihhlo tawlhtu man zinga 90% chuang chu Court in thiamloh a chan tir tawh thu sawi bawk a. Awmze nei taka hmalak a nih theih nana kalphung duang turin member te chu a sawm bawk.
Ruihhlo Do Core Committee hi ruihhlo do chungchanga sawrkar, Kohhran leh YMA inrawnkhawmna nikum August 4-a neihin State Level Core Committee on Ruihhlo Do din nise tih a lo rel tawh bawhzuia din a ni a. Nimin a \hutkhawm a tel te hian ruihhlo a lo rem a, ruihhlo ti thar an tlem theih nan leh ruihhlo ngaite enkawl kawngah te hmalak ni se tiin, chet lak dan ngaihtuah turin Sub-Committee a ruat a. Inhrilhhriatna lamah \an lak nasat a \ul zia leh \anrual a pawimawh thu te pawh he hunah hian sawilan a ni bawk.
Ruihhlo Do Core Committee ah hian Chairman chu Chief Minister niin, Central YMA President leh Mizoram Kohhran Hruaitute Committee (MKHC) General Secretary te chu Vice-Chairman an ni a. Central YMA General Secretary chu Member Secretary niin, Member ah hian Home Minister, Law & Judicial Minister, Social Welfare Minister, Chief Secretary, DGP, Law & Judicial Secretary, H&FW Principal Director, Social Welfare Director, Excise & Narcotics Commissioner, MSACS Project Director, MJA President, Central YMA OB te leh MKHC OB te an tel bawk.
Nimin a \hutkhawm hmasa ber an neih ah hian Home Minister, Law & Judicial Minister leh Social Welfare Minister te bakah member dangte an tel \ha hle a ni.

Popular posts from this blog

PAN CARD an tih teh fo hi - Laldinpuia