XP rinhlelhawm loh tih sawi

Serchhip-a Legal Metrology Department Inspector, Johny Zonunmawia chuan Petrol Pump a\anga Petrol pangngai Xtra Premium (XP) anga hralhchhuah chu thil theihloh a nih thu a sawi.
Tunhnaia Serchhip-a Petrom Pump awmchhun, PB. Lalzuithanga Filling Station-a Petrol pangngai pekchhuahna khawl a chhiat avanga Xtra Premium (XP) chauh hralhchhuah theih a nih laia mi \henkhat ten Social Media lamah Xtra Premium Petrol hralhchhuah chu Petrol pangngai, MS nia rinhlelhna an neih chung-changah Serchhip-a Legal Metrology Inspector, Johny Zonunmawia chuan he thil hi thil theihloh a nih thu a sawi a, Xtra Premium, MS leh Diesel (HSD) te chu Tanky hran \heuhah dah a nih thu leh Tanky tina an hralhchhuah zat chhin-chhiahna a awm vek thu a sawi a, an hralhchhuah zat leh Trip an dawn zat te hi IOC hotuten an enmil ziah a, a inmil loh chuan Pump khârsak theih a nih avangin hetiang hi a ngamawm loh tih a sawi.
Hei bakah hian Legal Metrology Inspector chuan Petrol lakluh te hi a Challan-ah Xtra Premium a ni tih chiang takin a inziak tih sawiin, hei hi Legal Metrology lamin an endikna ah pawh an hmuh \hin thu a sawi a, Filling Station neitu lam pawhin June ni 6, 2018 kha MS Petrol a lo thlen hnuhnun ber a ni tih an sawi a, tunah hian Tanky-ah litre 7000 vel a la awm thu an sawi bawk.
Serchhip Petrol Pump-a MS leh Diesel (HSD) hralhchhuahna khawl chhia pawh siam\ha turin buaipui zel a ni tih sawiin, Company mechanic pawhin a chhiatdan a en tawh a, a part thlak ngai engemawzat a awm avang leh Guwahati-a lak ngaite a awm avangin kar hmasa khan Mechanic chu Guwahati-ah a chhuk leh a, amaherawh chu Mechanic hi a lolet leh hun tura a intiam hunah a lolet loh avang leh biak-pawh theihloha a awm avangin hmalak zel dan an ngaihtuah mek thu an sawi bawk.

Popular posts from this blog

PAN CARD an tih teh fo hi - Laldinpuia