Tripura Relief Camp a\anga laklet turte enfiah hna thawh zawh a ni ta

Tripura Relief Camp paruk (6) a\anga Mizoram Bru te hruailet hna thawh 8-na atana inbuatsaihna kal zelah Relief Camp-a awm Mizorama kir duhte chhinchhiah hna chu thawh zawh a ni ta.

Mizoram sawrkar-a Home Department a\anga thudawn danin Relief Camp-a kal chilh a Mizorama lokir duh chhinchhiah hna thawktu official-te hian Inrinni khan Tripura chhuahsanin Mizoram an rawn pan leh tawh a. Heng official te hian Mizoram let duh ngeite chhinchhiah hna an thawh bakah kum 2016-a Mizoram mi dik tak enfiah hna kalpui laia, chhungkua la chhinchhiah lohte chu endik hna thawk leh tura ruahmanna siam a nih angin chhinchhiah tel an ni bawk.

Tun \uma Mizoram-a let duhte enfiah hna thawhna ah hian Zirtawpni khan Panisagar Sub-Division hnuaia Relief camp pathum- Kaskau, Khakchangpara leh Hamsapara a\anga Mizorama let duha, hming pe te hi Kaskau Camp a\angin chhungkaw 174-a puitling 797 leh naupang 340, an vaiin mi 1137 an ni a, hetihian Kaskau Camp atanga ni hnih (2) chhung hian Mizoram let duh inziaklutte hi Mamit District ami chhungkaw 367 niin puitling 1669 leh naupang 697, an vaiin mi 2366 an ni. 

Kolasib District chhunga awm tura inziaklut tawh te hi chhungkaw 27, puitling 158 leh naupang 36 an awm bawk a. Hamsapara camp a\ang hian kum 2016-a Identification paltlanglo chhungkaw 17 te chhinchhiah thar niin Khakchangpara Camp a\ang hian endik nawn lehnaa chhinchhiah thar chhungkaw khat leh 2016 a endikna paltlanglo enfiah nawn hnu a Mizoram mi diktak an ni tih finfiah leh hi chhungkaw 5 an awm bawk.

Zirtawpni vek khan Kanchan-pur Sub-Division hnuaia Relief Camp pathum- Asapara, Naisingpara leh Haza-cherra Camp ah endik a ni a, Naising-para Camp a\angin 2016 enfiahna paltlang zolo chhungkaw khat chu Mizo-ram mi an ni ngei tih finfiah a ni. Mizoram mi leh sa Tripura camp a\anga lakletna tura endik hna Camp hrang hranga neih hi boruak \ha tak hnuaiah neih a ni.