Thinghrangkawn-ah Tuipuiral YMA Run hawng

/
East Tuipui Bialtu MLA, T. Sangkunga chuan nimin khan a bial chhunga Thinghrangkawn-a Tuipuiral YMA Run sak thar chu a hawng.
Tuipuiral huamchhunga hmun laili, khaw hrang hrang kawng peng intawh-khawmna hmun Thinghrangkawn-ah hian Tuipuiral Group YMA chuan kum 2007 a\ang khan In sak tumin hma an la \an a. BADP, MLA Fund leh MP Fund hmangin a theih ang anga an thawh hnuah nimin khan hawn theihin an peih ta a ni. He hunah hian T. Sangkunga chuan YMA rawng-bawlna chu ropui a tih thu sawiin, YMA hmalakna \henkhatah sawiseltu lo awm ve bawk mah se khuarei ah ram leh hnam, khawtlang tan a lo \ha zawk zel niin a sawi. Tuipuiral YMA Run sak nan hian cheng nuai 17 hmuh a ni a, In sakna atan hian cheng nuai 14 hmangin cheng nuai 3 chu YMA hmalakna dangah pawhpen a ni.
He hunah hian Tuipuiral Group YMA chuan an huamchhunga Fa nei tam, fa 7 aia tam neite hnena Sub-Headquarters YMA-in chawi-mawina leh lawmpuina thuziak a pek chu chhungkaw 10 hnenah an hlan nghal bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »