Friday, 17 August 2018

Hmasawn zelna tur kan la nei

Hmasawn zelna tur kan la nei

India zalenna Ni, India Independence Day chu kumdang ang bawkin kan hmang liam leh ta a. District kan nih hnu kum 20 dawn a liam chhungin kan National Day kan hmanna ah danglamna awm ve zelin hma pawh kan sawn ve zel a. Chutihrual chuan hmasawnna tur pawh kan la nei zel bawk a. Kumdanga he Ni kan lo hman tawh \hin te ngaihtuahin kumin a he Ni kan hman kha a felfai hle niin a lang a, a lawmawm hle a ni.
Kumin a Serchhip-a Independence Day kan hmanna ah khan kumdang zawng aiin mipui pawh an tam niin a hriat a, hetiang kan ram Ni pawimawh mipui ten kan ngaihlu hi a lawmawm hle. Chutihrual chuan sawrkar hnathawk leh a bika sawm te erawh kumin khan an kal \ha lemlo deuh niin a lang a, a bikin Stage lama \hu tura beisei leh \hutna tur lo ruahman lawk sak zingah kallo an awm nual nia lang kha kumdang ah chuan thleng tawh lo se a duhawm hle a ni.
Hetianga National Day kan hmanna ah hian kan khuallian te hian mipuite hnenah thuchah sawiin sawrkar hmalakna lian leh tharlam te an tarlang \hin a. Kumin ah pawh kan hmasawnna hrang hrang tarlan leh niin amaherawh chu sawrkar Department zingah kum hmasa aia an hnathawha hmasawnna la nei chuanglo nia lang te leh kum hmasaa khuallian ten an lo sawi tawh nena khaikhina danglamna la nei lemlo tarlan nawn awm erawh thu sawi ti reitu mai niin a lang.
Mizoram District Hqrs. hrang hrang te zinga ‘Chirhdiak’ nena Independence Day la hmang tlemte zinga Serchhip kan la tel zel erawh a lungawi thlak tawh chiahloh niin a lang a, nakum lamah chuan Phullem chunga kan hman ve tawh ngei i beisei ang u.

Latest News

Govt. T. Romana College in Cultural Day an hmang

Nimin khan Govt. T. Romana College chuan Republic Vengthlang-a an College hmunah Cultural Day an hmang a, he hun hi Mizoram Journalists...