Office building thar luahlut

Serchhip-a Fisheries Development Officer (DFDO) Office building sak thar chu luahluh niin nimin tlai khan Pathian hnena hlanna neih a ni.

Serchhip-a District Fisheries Development Office (DFDO) hi hawn a nih hnuah hun rei tak midang building luaha kalpui niin New Serchhip Pioneer Camp hmun hlui-ah ram pek an ni a, hetah hian Department building tur hi sak a ni a, he building hi sak zawh a nih hnuah niminpiah khan an bungrua te thiarlutin Office thar hi luah \an a ni a, nimin khan bungrua te remfel a nih hnuah karleh Thawh\anni a\ang khian Office thar-ah hian a mamawh te tan dawr theih a ni tawh ang.

Serchhip-a DFDO Office thar hlanna leh Pathian hnena lawmthu sawina chu nimin tlai khan District Fisheries Development Officer (DFDO), Zonuntluangi hovin neih a ni a, he hunah hian DFDO chuan fuihna thu sawiin, thawktute chu Office building thar an luah anga rilru thar pu a mipuite tana \hahnem ngai lehzuala thawk turin a chah bawk. Serchhip-a District Fisheried Development Officer (DFDO) Office-ah hian DFDO pakhat bakah Fisheries Extention Officer mi 1, Fishery Demonstrator 3, LDC 2, Driver 1 leh Group D Staff 4 an awm mek a ni.