Friday, 17 August 2018

NRC vangin MZP in a \ul anga hmalak an tum

Mizo Zirlai Pawl (MZP) chuan Assam State National Register of Citizens (NRC) a kalpui chungchangah Mizoram sawrkar hmalakna hmuh tur ala awm loh avangin a \ul angin hma an la dawn tih an sawi.
MZP General Hqrs. hian nimin khan Executive Committee Meeting neiin National Register of Citizens (NRC) Assam sawrkarin a buaipui mek chu Mizoram leh hnam tan a himloh zia a hriaa Mizoram Sawrkar pawh chak taka hmala tur leh August 15, 2018 thleng an hmalakna an nghah tur thu pawh lehkha hmanga an thehluh hnuah Mizoram sawrkar hmalakna tun thlenga a taka hmuh tur ala awm loh avangin a \ul angin hma an la \an dawn tih an sawi a. Kan ram leh hnam damna turin Mizoram ramri ah hnamdang dan lova lo luh tum leh Assam NRC-a chuanglo te lo enfiah a Check Gate siam \ha an tih thu sawiin, Inner Liner Permit(ILP) pawh NRC a chuang lo chu tunhnuah pechhuak tawh lo turin thuneitute an ngen nawn leh a. MZP Headquarters, Sub-Headquarters leh Branch zinga ramri hrula awm te chu a\ul anga hma la nghal a, hnamdangte lo check nghal turin an hriattir bawk.
Hei bakah hian MZP chuan Mizoram in Central Pool quota-a MBBS seat 18 leh BDS seat 7 kan hmu chu lawmawm an tih thu pawh sawiin, amaherawh chu State Medical & Technical Entrance Examination (SMATEE) 2016 chungchangah Mizoram Chakma Students Union ten Guwahati High Court-a PIL an thehluh tihtawp (dismiss) tawh tinung thar leha Guwahati High Court in Mizoram (Selection of Candidates for Higher Technical Courses) Rules 2016 No. 5 suspend order a tih chhuah vanga MBBS leh BDS zirlaite counseling neih chhunzawm thei lova tiamchin awm lova posponed a nih avanga Mizo zirlai tam tak zir thei lo tur dinhmuna an ding mek chu pawi an tih thu leh an hriatthiam loh thu an sawi a. MBBS leh BDS zirturte counseling neih a nih mek laia Mizoram Chakma Students Union ten Mizo zirlaite tihbuai tum hrim hrima harsatna an siam chu Mizo zirlaite tihbuai tum hrim hrim ah an ngai tih sawiin, an PIL thehluh dismiss tawh tihnun leh chu a rang thei ang bera hnukkir leh turin Mizoram Chakma Students’ Union te an hriattir nghal bawk.
Hei bakah hian MZP chuan Mizoram Sawrkar enkawlna hnuaia hna thawk, AK. Sharma Additional Advocate General, Guwahati High Court-a ding tura a rawih in a ruaitu Mizote aia hnamdang a duhsak fo chu hriatthiam har an tih thu pawh sawiin, Mizoram Sawrkar hnuaia hlawh la reng tlakah an ngailo tih an sawi a. A hna chelh lai hi chelh chhunzawm lo a ban a nih theih nana hma la turin thuneitute an ngen nghal bawk.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018