MNF din Falkawn Referral Hospital-a Infrastructure chhawmin MIMERS din a nih thu sawi

MNF Vice President leh Health Minister hlui, R. Tlanghmingthanga chuan MNF din Falkawn Referral Hospital-a Infrastructure zawng zawng chhawmin MIMERS chu din a nih thu sawiin, "Congress party hi inpuhchhiat hrim hrim thiamna lamah hian an champion chiang hle. An dawt sawi tunah hian a langchhuak leh vek tawh a, an la zak chuang reng reng lo a ni," a ti.

MNF sawrkar laia Health Minister leh MNF Vice President ni mek, R. Tlanghmingthanga hovin nimin khan MNF Vigilance Committee leh MNF |halaite chuan nimin khan Falkawn-a MIMERS hi tlawhin MIMERS atana chhawm tak MNF sawrkar-in Staff Quarter 224 a sak leh Main Building te an tlawh thu an sawi a. He hunah hian R. Tlanghmingthanga chuan Central Sawrkar a\anga an sum dawn leh hman chu Cheng vbc. 40 a nih thu sawiin, " He sum hmang hian Hospital Building, Administrative Building, Laboratory Building, OPD Building, Kitchen, Laundy bakah Staff quarter 224, Type I, II, III, IV & V te kan sa vek hman a. Referral Hospital atana hmanraw hman tur Equipment te, External Electrification atan leh Water distributor te pawh siam zawh vek a ni. Heng Main Building leh Staff Quarters-te hi a ruala thawh vek a ni a, sak hmasak bik a awm lo. Sak zawh hun erawh a in ang lo. Heng Building sak zawng zawng hi PWD Quality control-in an vil vek a, Cheng khat pawh Revised lovin a tira ruahman angin kan sa zo vek thei a, a satute pawh Mizo vek niin Hnamdang hnenah Contract chengkhat man pawh kan pe ve lo," a ti.

Referral Hospital atan Congress sawrkar in building pakhat pawh an sak an hre ve lo tih pawh sawiin R. Tlanghmingthanga chuan, "An lo sa ve mial a nih chuan khawi hi nge Congress-in an sak ve Mizo mipuite min hrilh kan phut a ni. MNF hmalak fel vek tawhah, MNF saksa vekah an va luahlut ringawt a ni. Sawrkar hmasa kutkawih engpawh chhunzawm an hrehzia en hian va luahluh loha cancel leh vek an duh hialin a rinawm," a ti a. Medical College atana hmalakna chu Congress sawrkar in an bawhzui \ha duhlo nia sawiin, "Kum 2008 a\anga Sawrkar si khan Medical Council of India in Medical College atana recognise turin kum 2014-ah DPR an thehlut thei hram a. Vawi thum an DPR siam hnawl a nih hnuah a vawi 4-na atana kum 2015, July 05-a an thehluh chu an pawm ta hram a ni," a ti a. Congress-in Referral Hospital Roman Catholic kutah MNF-in hlan an tum nia sawi pawh thudik lo a nih thu a sawi a. "India rama Medical College \ha ber pawl St. John Medical College, Bangalore nen thawkho in Mizoram sawrkar sum senso tlemte sia Medical College \ha tak din tum a ni a. MoU pawh peih vek a ni hman a, MNF khan kan sign pui hman ta lo a ni," a ti a. Tuna kalpui anih danah hi chuan sawrkar sum sen hautak tak, kum khata cheng vbc. 100 vel zet senral ziah a ngai dawn nia sawiin, "Tuna an tih dan angah hi chuan Medical College \ha lemlo tak kan nei ang tih a hlauhawm hle a ni," a ti bawk.