India Prime Minister hlui AB. Vajpayee boral

India Prime Minister hlui leh BJP hruaitu hlun, Atal Bihari Vajpayee chu All India Institute of Medical Sciences (AIIMS), New Delhi-ah nimin tlai dar 5:05 khan kum 93 mi niin a boral.

Prime Minister hlui, AB. Vajpayee hi kumin June ni 11 khan zun kawng \halo vangin AIIMS-an hian dahluh niin hun rei tak chhung enkawl a ni a. Nilaini khan a dinhmun a \halo zual a. Life support hmanga enkawl a nih hnuah nimin tlai khan boralin a ruang hi a chenna In-ah lak a ni.

Ram hruaitu \hahnem takin damdawi In-ah hian AB. Vajpayee hi an tlawh a, Prime Minister Narendra Modi chuan Pu Vajpayee thi chu pawi a tih thu leh ramin hruaitu ropui tak a chan a ni tih sawiin, a kalsan tak a chhungte a tawrhpui thu a sawi bawk.

India Prime Minister hlui AB. Vajpayee hi kum 47 zet Parliament-ah lo tel tawhin kum 1996 a\anga 2005 thleng khan NDA sawrkar hnuaiah Prime Minister hna vawi thum alo chelh tawh a. Kum 1996 mkhan ni thum chhung Prime Minister niin kum 1998-1999 chhung khan thla 11 chhung leh kum 1999-2004 ah term hmang zoin Prime Minister hna hi a chelh a ni.

Chief Minister, Lal Thanhawla chuan Prime Minister hlui, AB. Vajpayee thihna chu ram tan channa nasa tak a ni tih sawiin, thinlung taka a tawrhpui thu a sawi a. AB. Vajpayee zahna lantir nan Vawiin, Aug. 17, 2018 hian Mizoram chhunga sawrkar Pisa zawng zawng leh zirna In te khar a nih tur thu a puang bawk.