Chief Minister hovin Council of Minister \hukhawm

Chief Minister, Lal Thanhawla hovin Council of Minister te chu niminpiah Chief Secretary’s Conference Room-ah \hukhawmin Department 9 a\anga Agenda 14 lut bakah Additional Agenda engemawzat ngaihtuah a ni.

Council of Minister \hukhawm hian Agenda chhawpchhuah zingah heng – Work-charged Overseer Grade-II te Work-charged JE (PWD) a leh dilna te; The Mizoram Private Security Agencies (Amendment) Rules, 2018 (Home) te; Framing of the Mizoram Lotteries (Regulations) Rules, 2018 te; Seventh Central Revision of Pay (as modified and exyended to the employees under the Government of Mizoram) Rules, 2018 pawm dilna leh Grant of Revised Allowances to the Employees of the Govt. of Mizoram te; Social Welfare Directorate chu Directorate of Social Welfare & Tribal Affairs leh Directorate of Women and Child Development a \hen rawtna te chu an pawm a.

Heng bakah hian The Mizoram Ministerial Service (Amendment) Rules, 2017 te; GNM School 4 leh ANM School 3 dinna tura post 50 siam rawtna te; Govt. HSS a Vocational Education Teacher post 36 siam thar tur te leh Draft Mizoram PHED Enlistment of Contractors Rules, 2018 te chu pawm a ni.

Hei bakah hian School Education Department hnuaia Aided/Non-Formal Primary School zirtirtu 36 te dahnghet tura rawtna lut chu heng zirtirtute hlawh hi tihpun sak turin an rel a. Fisheries Department hnuaia Fishermen post 4 surrender a Technical Assistant post 1 leh Fisheries Investigator Post 1 siam belh dilna chu kalphung pangngaia an bawhzui remtih sak an ni. MIMER hming, 'Mizoram Institute of Medical Education and Research Society, Falkawn, Mizoram' tia thlak rawtna an pawm bawk.