1st Division-ah Chanmari FC

Chanmari FC chuan SDFA hnuaia 1st Division Club, AWC FC chu 3-1 a hnehin Season thar-a 1st Division khel turin an tling ta.
Serchhip District Football Association buatsaih Independence Day Football leh Screening Tournament ni bawk a 1st Division-a point hmu hniam ber dawttu, AWC FC leh 2nd Division-a pahnihna, Chanmari FC te hian nimin khan DC Playground, Khawtetlang-ah 1st Division Play-Off an khel a, he inkhel ah hian Chanmari FC hian 3-1 a hnehna changin Season thara 1st Division khel turin an tling a, SDFA hnuaia 2nd Division Team zingah Play-Off hmanga 1st Division kai hmasa ber nia hriat a ni.
Nimin a inkhel ah hian 2nd Division Final khelha vanduai, Chanmari FC in inkhel bul \an \hain AWC FC insiamrem hma minute 3-na lekah 2nd Division-a Top Scorer, C. Lal-rintluanga chuan Chanmari FC tan goal a khung nghal a, first half tawp dawnah Vanlalpeka chuan Chanmari FC goal hnihna a khung leh bawk.
Second half-ah AWC FC lamin nawr let tum mah se an players zinga \henkhat an chhawr theih tawhloh avangin duh angin an nawr thei chuanglo a, minute 54-na ah Ramdinzela chuan Chanmari FC goal thumna khung lehin hun tawp dawn hnaih minute 75-na ah AWC FC tan Lalramchhana chuan goal khung ve mah se awmzia erawh a nei thui ta lo a ni.
Heti hian SDFA hnuaiah hian Season thar ah 1st Division Team 8 an awm leh dawn ta a, heng te hi New Serchhip FC, Vengchung FC, P&E Veng FC, IOC FC, Hmar Veng FC, FC Serchhip Kawnpui leh 2nd Division a\anga kai thar New Serchhip North FC leh Chanmari FC te an ni ang. 1st Division Team te hian SDFA buatsaih ‘District Football Championship’ an khel thei a, he Championship hi DFA hnuaia 1st Division Club te bakah Zone Champion te khelh \hin a ni.

Latest News

Chief Minister hovin Council of Minister \hukhawm

Chief Minister, Lal Thanhawla hovin Council of Minister te chu niminpiah Chief Secretary’s Conference Room-ah \hukhawmin Department 9 a\an...

Popular News