Serchhip BJP ten PM hlui sunna hmang

BJP Serchhip District chuan India Prime Minister boral ta, Atal Bihari Vajpaee sunna hun niminn khan an hmang a, he hun hi BJP Mizoram Vice President, Nirupam Chakma chuan a hmanpui a ni.

BJP Serchhip District hian nimin chawhma dar 11:30 khan an President, C. Lalhmunliana In, Serchhip Field Road-ah kumin August 16-a boralta India Prime Minister hlui, AB. Vajpayee sunna hun hi an hmang a, he hun hi an President, C. Lalhmunliana chuan kaihruaiin Ngurbana chuan Hunserh a hmang a, hemi hnu hian kalkhawmte chu India Prime Minister hlui, AB. Vajpayee sunna atan ngawi rengin an ding a ni. Hemi hnu hian BJP in Serchhip District viltu tura an ruat, David L Sailo chuan Prime Minister hlui, AB. Vajpayee chanchin, a pian leh murna leh Politics-a a luh dan leh India Prime Minister a nih dan te sawiin, tun thla ni 16-a a boral dan te a sawi a. Hemi hnu hian BJP Mizoram Vice President leh Minister hlui, Nirupam Chakma pawhin thu sawiin, an party mi leh sa kalkhawmte fuihna thu a sawi bawk. He hunah hian Serchhip khawpui chhung leh hmundang a\angin BJP mi leh sa an tel a ni.

Tarlan tawh angin  Dec. 25, 1924-a piang India Prime Minister hlui AB. Vajpayee hi Lung lam \hatlohna avangin kumin August 16 zan khan a boral a, amah hi kum 47 zet Parliament-ah lo tel tawhin kum 1996 a\anga 2005 thleng khan NDA sawrkar hnuaiah Prime Minister hna vawi thum alo chelh tawh a. Kum 1996 khan ni 13 chhung Prime Minister niin kum 1998-1999 chhung khan thla 11 chhung leh kum 1999-2004 ah term hmang zoin Prime Minister hna hi a chelh a ni.