Tuesday, 28 August 2018

Ramdang mi 424 manchhuah an ni tawh

MZP chuan nimin thleng khan Assam National Register of Citizens (NRC) a chuang lo foreigner Mizoram-a lo luh tum 424 manchhuah an nih tawh thu an sawi.
MZP General Hqrs. in thuchhuah siama an tarlan danin MZP chuan August 16, 2018 a\ang khan Mizoram chhunga hnamdang dan lova khawsa Inner Line Permit(ILP) neilo, Assam National Register of Citizens (NRC)-a chuang lo te dapchhuah hnatlang nei chhunzawm zelin nimin, August 27, 2018 thleng khan Assam National Register of Citizens(NRC) a chuang lo foreigner Mizoram-a lo luh tum 424 man chhuah an ni tawh tih tarlangin, heng te hi Mizoram Police nen \angrual in thawnlet nghal zel an ni tih an tarlang a. Tun thla ni 20 a\ang khan MZP chuan Vairengte, Bairabi leh Saiphai-ah te hnamdang dan lova Mizoram-a lo luh tum te vengin check point an siam thu leh duty hi a remchhan dan anga chhunzawm zel tur a nih thu pawh tarlangin, Hnamdang foreigner te chu diklo taka Mizoram chhunga luh tum lo turin an ngen nawn leh a, kan ram leh hnam hi ven a ngai a ni tih leh ram leh hnam humhalh nan theihtawp chhuah a ngai a ni tih hriaa insangmar turin MZP chuan Mizo mipui a ngen a, a \ul dan ang zel a penchhuak turin Mizo \halaite a ngen nghal bawk.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...