Ramchhunga Police Station te thlunzawmna tur CCTNS chu Mizoram-ah kalpui mek a ni

Police Station hna hrang hrangte Information Technology hmanga tih changtlunna tura ruahmanna, Crime and Criminal Tracking Network and System (CCTNS) chu Mizoram-ah kalpui chhoh mek zel niin he Project hmang hian India ram chhunga Police Station 15,268 chuang zet awm te chu thlunzawm tum a ni.

Criminal Tracking Network & System (CCTNS) Go Live & Citizen Portal chungchangah hian nimin khan IGP (Intelligence & Law and Order), LH. Shanliana, IPS leh a thawhpuite chuan Aizawl SP Conference Hall-ah thuthar thehdarhtute kawmin he Project chungchang hi an sawifiah a. LH. Shanliana chuan Criminal Tracking Network & System (CCTNS) hi Mizoram mipuiten \angkai taka an hman theihna tur chuan an hmelhriat hmasak angaih thu leh an hmelhriat theihna tur awlsam ber chu chanchinbumite kaltlang a ni tih sawiin, CCTNS hi Mizoram Police leh Mizo mipuite inkungkaihna ti nghettu a nih ngei ka beisei, a ti bawk.

He hunah hian Zosangliana, SP CID Crime chuan Citizen Portal hman dan te sawifiah in,  CCTNS enkawl tur hian Mizoram Police engemaw zat hnenah zirtirna pek an nih tawh thu leh hmalak mek zel a nih thu a sawi bawk.

Crime and Criminal Tracking Network and System (CCTNS) hi National E-Governance Plan (NeGP) hnuaia Mission Mode Project pakhat a ni a. He project in a tum ber chu Police Station hna hrang hrangte Information Technology hmanga tih changtlun a ni. Mizoram CCTNS hi kum 2010 a\anga \an niin, Police Station 39 leh Higher Office 52 te network hmangin thlunzawm an ni a, hnathawh nan Core Application Software (CAS) chu Police Station tinah dah a ni bawk. India ram chhungah hian Police Station 15,268 chuang zet a awma, he project hmang hian heng Police Station te hi thlunzawm vek tura hmalak a ni a. Mizoram sawrkar pawhin CCTNS project pawimawhna hriain chak takin hma ala mek zel a. He project-ah hian Committee hrang hrang State Level leh Department Level-ah din a ni a, Chief Secretary Mizoram hi State Apex Committee Chairman niin Balajt Srivastava, IPS, DGP Mizoram chu State Empowered Committee Chairman a ni bawk.

He software hmang hian a hma a lehkha hmanga hna an lo thawh \hinna chu Computer hmangin an thawk vek thei dawn a. He software hmang hian State Data Centre-ah Police Station hrang hranga an Data lakkhawm te dahkhawm leh vek a ni a, heng te hi awlsam takin a zawn chhuah zung zung theih bawk a. State Data Centre a dah-khawm an nih hnu in, National Data Centre, Delhi-ah record te chu dah\hat leh vek an ni bawk a. Misual chhui kawngah te, rang tak a file zawnchhuah te, case hrang hrang thlunzawm dan kawngah te he project hian nasa takin Police Department chu a pui chho zel a ni.

He project hi network a inthlunzawm anih avangin connectivity ah hian hartsatna kan tawk nasa hle a. Chu harsatna sukiang tur chuan Police Department hian hma a la chho mek zel a. CCTNS Project atan bik liau liau Wide Area Network connectivity chu Mizoram pumah siam tura hmalak mek a ni a. Hemi chawm tur hian NIC kaltlangin High Speed internet chu lak a ni bawk.

Niminpiah-a India zalenna champha ah Mizoram DGP, Balaji Srivastava chuan Aizawl khawpui chunga Police Stations 4 (pali)- Aizawl Police Station, Kulikawn Police Station, Bawng-kawn Police Station leh Vaivakawn Police Station huam chhunga hman theih turin a hawng a. Mizoram pum huap Go-Live tur hian hmalak mek zel a ni a. He hmalakna hi Police Station hna paper-less (lehkha ziak ngailo a Computer hmang) a hna thawh theihna hmuna siam ngei tumin Police Department chuan hma a la zel a ni.