Sangha man phalna hun hawn mipuiin an hlut


Kei\um Branch YMA chuan Tuichang lui-a luidung an humhalh chhunga Sangha te chu Inrinni khan a duh apiang tan Nghakuai hmanga man theihna hun an hawng a, mipui ten an hlut hle.
Serchhip a\anga KM 14 vela hla Kei\um Branch YMA te hian kum 2010 vel a\ang khan Tuichang lui, Khawlailung kai-a Lei a\anga lui hnar lam leh a mawng lam KM 1 ve ve vela thui chu luidung nungcha man phal lovin an humhalh a, hun engemaw chen man an phalloh hnuah Inrinni khan a duh apiang tan Nghakuai hmanga manna hun hawngin hei hi mipui ten an hlut hle a, mi 100 vel zet Nghakuai chiah hian an kal tih Kei\um Branch YMA hruaitute chuan an sawi a, amah-erawh chu Tui a nut avangin Sangha erawh man a har hle thung tih Nghakuai chiahtute chuan an sawi. Kei\um Branch YMA hruaitute chuan Tuichang lui an humhalh avang hian he Lui-ah hian Sangha a tam phah hle tih sawiin, mipuite chu an luidung humhalh te hriatpuia an khapna te zawm sak hram turin an ngen bawk a ni.

Popular posts from this blog

PAN CARD an tih teh fo hi - Laldinpuia