PMEGP Loan diltute interview

Nimin khan District Level Task Force Committee on PMEGP chu Serchhip DC’s Conference Hall-ah \hukhawmin Serchhip District chhunga PMEGP Loan diltute interview an buatsaih.

Nimin a an Chairman District Bawrhsap, Sang-chhin Chinzah hova District Level Task Force Committee on PMEGP \hutkhawm ah hian Bawrhsap chuan miharsa zawk ten eizawnna kawnga bul an \an ve theihna turin PMEGP Loan hi an dil \hin tih sawiin, nikum lamah District dang te aia Serchhip District a hniam zawk thu a sawi a, hei vang hian kumin ah chuan Bank te pawh Loan pekchhuah kawngah inhawng lehzual se a duh thu a sawi a. Serchhip District chhung khaw hrang hrang a\angin \anpui ngai an rawn kalkhawm tih hriaa, Mizoram-ah a pui tam ber District nih tum turin he \hutkhawm a tel Bank hotute chu a sawm bawk.

Nimin a District Level Task Force Committee on PMEGP \hukhawm ah hian kumin sawrkar kum atana Serchhip District chhunga PMEGP Loan diltute tan Interview buatsaih nghal niin kumin hian Serchhip District-ah PMEGP Loan diltu mi 112 an awm a, Serchhip District tan hian Margin Money cheng nuai 122.5 ruahman niin Mizoram KVI Board kaltlanga diltu mi 92 leh District Industry Centre (DIC) kaltlanga diltu mi 19 an awm a. Heng mite dilna leh Project Report siam te chu Interview-ah hian enin heng mite a\ang hian Loan pekchhuah tur thlan an ni ang.

Thudawn danin DIC hian Serchhip District-a State Bank of India (SBI) Branch pathum (3)- Serchhip Khumtung leh Thenzawl bakah MC Apex Bank Serchhip leh Mizoram Rural Bank, Chhingchhip kaltlangin Loan hi an pe thei a. Heng bak Bank Branch dang kaltlangin Mizo-ram KVI Board chuan an pechhuak thei dawn bawk a ni. Nimin a he \hutkhawm ah hian Aizawl a\angin Mizoram KVI Board hotute leh Bank lama hotu lian te pawh an rawn tel a ni.