New Serchhip North FC an champion ta

Serchhip District Football Association buatsaih Indendence Day Football Tournament 2nd Division Final nimin a khelh ah New Serchhip North FC chuan Chanmari FC chu 3-2 a hnehin an champion a, Season thar-ah 1st Division khel turin an tling bawk.

DC’s Playground, Khawtetlang-a Independence Day Football 2nd Division Final nimin a khelh ah hian New Serchhip North FC hian inkhel bul \an \hain goal pawh an khung har lo a. |an a\anga minute 10-na lekah K. Lal-muanchhana chuan penalty a\anga goal khungin hma an hruai nghal a. Amaherawh chu minute 20-na ah Felix Lalruatsanga chuan penalty a\ang vekin Chanmari FC si phurh hi a sut zui a, half time dawn minute 43-na ah Chanmari FC hian chance an neih a\angin C. Lalrintluanga chuan an hmahruaina tur goal khung lehin half time-ah Chanmari FC hian hma an hruai a ni.

Second half-ah pawh New Serchhip bawkin bul \an \ha zawkin minute 71-na ah Joseph Lalmuanawma chuan Chanmari FC goal keeper ball man sual a\angin an si phurh sut-na tur goal a khung a, minute 83-na ah New Serchhip North FC in penalty hlawhchhuak lehin K. Lalmuanchhana bawkin an hmahruaina tur goal a khung leh a, hei hi Chanmari FC te hian an sut theih takloh avangin New Serchhip North FC te hian 3-2 a hnehna changin 2nd Division-ah hian an champion ta a ni.

2nd Division-a Champion New Ser-chhip North FC hian Season thar-ah SDFA hnuaia 1st Division an khel thei dawn a, he inkhel a chaklo zawk Chanmari FC hian 1st Division-a point hmu hniam ber dawttu AWC chu 1st Division-a awm inchuhin naktuk khian Play-Off an khelpui dawn bawk a ni.

Tun \uma Independence Day Football Tournament 2nd Division-ah hian Team 15 telin Best Player atan K. Lalmuanchhana, New Serchhip North FC chu thlan a ni a, Goal khung hnem ber chu C. Lalrintluanga, Chanmari FC niin tun Tournament-a match 5 a khelh a\angin Goal 7 a khung a, New Serchhip North FC Goal keeper, Malsawmtluanga chu Best Goal keeper atan thlan a ni bawk.