Model Polling Station hawng

Serchhip District Election Officer, Sangchhin Chinzah chuan nimin khan Serchhip DC Office Complex-ah mipui ten Vote thlakna khawl (EVM) chungchang an hriatchian theihna turin Model Polling Station (Polling Station lem) chu a hawng.

Kan hma lawka Mizoram in Assembly inthlanpui a hmachhawn tura atana inbuatsaihna leh SVEEP Campaign atana he Model Polling Station hi buatsaih a ni a. Hetah hian inthlan huna hman tur Electronic Voting Machine (EVM) leh Voter Verifiable Paper Audit Trail (VVPAT) te dah niin Voe thlaktu ten EVM hmanga an vote thlakte a chhinchhiah dik ngei em tih VVPAT hmang hian a enfiah nghal theih zel a ni a. Vote thlaktu ten EVM-a vote an thlak chu VVPAT-ah hian minute 7 chhung a rawn lang zel a ni.

He Model Polling Station hi Vawiin hian hawn leh tura ruahman niin chawhma dar 11:00 a\anga tlai dar 3:00 thlengin a duh apiang tan Vote thlak chhin theih niin nimin a he Model Polling Station hawn a nih rual hian District Election Officer, Sangchhin Chinzah leh DC Office-a thawktu dang ten Vote hi an thlak chhin nghal a ni.