Latest News

Govt. Serchhip College-a zirlai ten Sesah lui leh Hmawngawn lui thenfai hnatlangpui an nei

Serchhip District Sanitation Task Force bultumin nimin khan Serchhip khawpui thli dawng lui pahnih Sesah Lui leh Hmawngawn Lui thenfai beihpuithlak leh a ni a, nikum September 29 khan a vawikhatna atan heng lui te hi thenfai a lo ni tawh a ni.
Mizoram Sanitation Task Force hmalakna hnuaia UD&PA Department in Climate Change Adaptation & Mitigation Strategy kaltlanga Cleanliness Drive in Drains, Rivers and Streams Component hnuaiah Sesah lui leh Hmawngawn lui thenfai hnatlang hi neih a ni a, he hmalaknaa mawhphur tur hian Neng Thianlal, MCS, SDC, K. Saitluanga, MIS, DIPRO leh Vanthangpuii DUDO te chu ruat niin anni hian Govt. Serchhip College NSS leh Eco Club te chu phungbawmah sawm ve lehin he hnatlang hi neih a ni a, he hunah hian National Service Scheme (NSS) Volunteer leh Eco-Club member zirlai naupang mi 300 vel te an thawk chhuak a. Zirlai naupang te hi hlawm hnihah in\henin a hlawm khat hian Serchhip Hmar Veng mawng-a luang Hmawngawn Lui hnar, Serchhip Hmar Veng YMA Hall bul a\angin an thianfai a, hlawm dangin Dinthar Veng-a Sesah lui an thianfai thung a, henglai hmuna bawlhhlawh paih awm te chu chharkhawmin UD&PA bawlhhlawh paihna motor hmangin Serchhip Dumping Ground, Dawngzawl-ah paih leh a ni.
Heng zirlai hnatlang te hi District Sanitation Task Force a\angin K. Saitluanga, DIPRO leh Neng Thianlal, SDC ten a hmunah an vil a, bawlhhlawh thenfaina tura mamawh hrang hrangte sawrkar lam a\anga tum sak niin zirlai ten luikawr pawimawh te thianfaia hnatlang an neih tawh avangin mipui ten heng kawr-ah te hian bawlh-hlawh an paih loh zui a pawimawh thu an sawi a. Nikum lamah Serchhip District chuan District khawpui 8 zingah faina kawngah dinhmun sang a hauh phak loh laiin kumin ah chuan District Hqrs. fai ber kan nih theihna tura kan \anrual a \ul thu an sawi bawk.
Tunah hian Mizoram khawpui fai inelna neih chhoh leh mek niin endiktute hi September thlaa midang hrilh lova a ruka an lokal rin a ni.

Comments

Popular News (Last 30 Days)