Central YMA hruaitu ten Larsap an kawm

Central Young Mizo Association (YMA) Office Bearer-te chuan nimin khan Mizoram Governor, Kummanam Rajasekharan chu Raj Bhavan-ah hmuin inkawmna an nei.
He hunah hian Central YMA hruaitute chuan an pawl inrelbawl dan leh khawtlang tana an hnathawh te an sawi a. Tunhnaiah Mizo \halaite zingah ruihhlo hmangsual an pun thu sawiin, \halaite ruihhlo a an fihlim theih nan an puala Skill Development buatsaih a, chu chuan an hunawl te luahkhatin an hun \ha te \angkai zawka an hman theih an rin thu an sawi a. Ruihhlo do kawnga hmalakna hrang hrang an neih te chu sawiin, tunhnaia Chief Minister zahawm tak kaihhruaina hnuaia Ruihhlo Do Core Committee din a nih thu an sawi a. Sawrkar laipui pawh inrawlh tura an duh thu leh Myanmar sawrkar ngei pawh ruihhlo do kawnga thawhpui tura sawm \ha an tih thu an sawi a. Narcotics Control Bureau hotute chu Mizoram-ah rawn zinin, ruihhlo tawlh chungchang rawn zirchiang se an duh thu an sawi a. Ruihhlo leh dan lova rampawn a\anga Mizoram rawn lutru tur dang turin ramri-ah sipai tun aia tam zawk dah theih nise an ti a. Assam sawrkar-in National Register of Citizens (NRC) a puanzar tak zulzuia siam ve \ha an tih thu an sawi lang bawk.
He hunah hian Central YMA hruaitute chuan Larsap hnenah hian thilpek hlanin an thusawi te hi Larsap chuan \ha takin alo ngaihthlak sak a, he hunah hian thei leh thlai thar vawn\hat leh a sawngbawl dan turte bakah bawlhhlawh sawngbawl dante an sawiho bawk.

Popular posts from this blog

PAN CARD an tih teh fo hi - Laldinpuia