Thursday, 2 August 2018

PRISM party in an sawrkar theih ngei an inring

PRISM Party chuan sawrkar tih tur pawh ti thei lo, NGO leh Zirlai Pawl ten a tih tur tihsak reng ngai sawrkar chu thlak ngei \ulah ngaiin a thlak nan sawrkar theih ngei an inrin thu an sawi.
PRISM Party hian nimin khan an dinchampha vawi 12-na chu Aizawl-a PRISM Conference Hall-ah an lawm a, he hun hi an President, Vanlalruata chuan kaihruaiin PRISM Party |halai President, RL. Liantluanga chuan kan sawrkar in a tihtur a ti lo nasa hle nia sawiin, “Tunlaia NGO hrang hrang leh Zirlai Pawl ten an tih \hin tam tak hi sawrkar tih tur niin sawrkar \ha leh awmze nei chu nei ila an lo tih ngai miah lo tur a ni a. A tih tur pawh ti \hin lo sawrkar kan neih mek hi thlak a ngai a. Mipui duh ang ngeiin kan thlak ngei tur a ni,” a ti.
He hunah hian PRISM President, Vanlalruata chuan an Party mipui kalkhawmte fuihin, huaisen taka hma lak anih chuan hlawhtlinna a awm thu a sawi a. “Kan ruahman leh hmalakna tur duan lawk te a hlawhtlin zel dan a\ang hian kan hmaa MLA Inthlanpui lo awm turah hian kan chak thei ngei ang tih a rinawm a. Kan ram hi kan siam\ha anga, hma kan sawnpui anga, mipui chhawr tham swrkar kan din ngei ang,” a ti bawk. He hunah hian kalkhawm ten thusawina hun hmangin sawrkar thar, Rorelna Dik leh Sawrkar \ha, mipui duh leh hlawkpui tur PRISM in a din ngei an rin thu an sawi hlawm PRISM thuchhuah chuan an tarlang bawk.

Latest News

Central YMA Inthlan thuchah

CENTRAL YOUNG MIZO ASSOCIATION MIZORAM : AIZAWL INTHLAN THUCHAH 2018