PRISM party in Eiru an man dawn thu an sawi

PRISM Party President, Vanlalruata chuan PRISM Party an sawrkar a nih chuan Eiru an man dawn tih an sawi.

PRISM Party hian Inrinni khan Aizawl khawpui-ah Street Campaign neiin he hunah hian an President, Vanlalruata chuan ram hmasawnna tura hmalakna-ah mi \henkhat an eiruk \hin avangin a hlawhchham \hin a, heng hmasawnna daltu eiruk hmang te chu an man dawn tih sawiin, Chief Minister hlui pawh nise a \ul a nih chuan lung In-ah an khung dawn tih a sawi. PRISM President, Vanlalruata chuan ram hmasawnna a kal chak theih loh chhan chu inrelbawl dan fuh loh vang a ni tih sawiin, Sawrkar budget a\anga za-a 90 deuhthaw hlawh leh inrelbawlna ah hman a nih thu sawiin, hei hi za-a 60 velah tihtlak theih a nih avangin PRISM an sawrkar anih chuan sawrkar suihte in mipui tan sum tam zawk an hmang dawn tih a sawi a, Sawrkar sum thawhchhuah tipung turin Insurance company din-in ram hausa ah Mizoram siam an tum tih a sawi bawk.

PRIRM in Inrinni-a Street Campaign an neih ah hian Aizawl Zemabawk, |huampui, Bawngkawn, Ramhlun North, Chanmari leh Bazarpui-a hmun 12-ah hun hman niin heng hmunah te hian PRISM MLA candidate tura puan chian tawh pali - B. Vanlalhruaia, Lalrinzuala Chawngthu, RL. Liantluanga leh SL. Ngursailova Sailo ten thu an sawi a. Heng huna thu sawitute chuan Mizoram-a PRISM Party in sawrkarna an siam a nih chuan Tar pension tihpun an tum thu te, hnathar 1,50,000 siam an tum thu te, Aizawl khawpui zauh an tum thu te, In neilo In sak sak a tum dan te, Inhmun leh ram neilo te pek tum anih dan te an sawi a ni.