Tripura a\anga Bru hruaikir mekah chhungkaw pathum chiah hruaikir an la ni

Tripura a\anga Mizoram mi Bru te hruaikir hna thawh mekah nimin khan Tripura Transit Camp a\angin chhungkaw pahnih (2) hruaikir an ni a, heti hian Bru hruaikir vawi 8-na kalpui mekah chhungkaw pathum hruaikir an ni ta a, sawrkar chuan ruahmanna awmsa anga hmalak zel a nih tur thu an sawi.

Tripura Relief Camp-a awm mek Bru zingah Mizorama rawn let duh ni a insawi chhungkaw 423 (mi 2,753) te Inrinni a\anga hruakir tum an nih laiin nimin thleng khan chhungkaw pathum te chiah Mizoram-ah hruaikir an la ni a, Inrinni kaltaa Kaskau Camp a chhungkaw 1 te chu Putlungasih khua, Lunglei District a awm tura hruaikir an nih hnuah nimin khan chhungkaw pahnih, Kolasib District-a awm turte chu hruaikir leh an ni a. Heng mite hi Hamsapara Camp a\angin chhungkaw 1 (chungkaw member 4), Zodin (Rastali)-a awm tur leh Khakchangpara Camp a mi chhungkaw 1 (chhungkaw member 6), Meidum khuaa awm turte an ni.
A tir a ruahman dan chuan Bru Repatriation Phase-8 na ah hian Bru Tripura Camp hrang hrang 6 a, Mizoram khua leh tui chhungkaw 5413 te chu Mizoram a hruaikir tur a ruahman a ni a, tun thla ni 16 a\anga ni 18 inkara a lo kir duh te ennawn (Re-Identification/Re-Verification) neih leh ah khan chhungkaw 423 te chauhin Mizoram a lo kir an duh a. Hemi hnu tun thla ni 23 August khan Mizoram, Tripura Sawrkar aiawh leh Bru aiawhte Damcherra, Tripura a inbiaknaah khan Bru hruaitute chuan Ration card, Aadhar card leh Bank Account te tifello an la awm tam avang leh Mizoram-ah an mahni duhna khua a awm an phut avang te in Mizoram a lo kir duh an awm loh thu an lo sawi tawh a. Hengte avang hian tun \uma Bru Tripura Camp atranga Mizoram a hruaichhuah pawh hi beisei angin a hlawhtling ta lo a ni.
Hetihlai hian Tripura Transit Camp a\anga Sawrkar ruahmanna anga Mizoram a lo kir tawh ten tuna lokir turte ham\hatna dawn ang dawn ve an phut avanga pawl an din, Bru Equal Package Demand Committee hruaitute chuan Inrinni khan Chief Minister, Lal Thanhawla chu hmuin an thilphut tih hlawhtlinna atana hma lakpui turin an ngen a, heng mite hi Chief Minister chuan \ha tak leh tlangnel taka lo dawngsawngin, an thilphut te pawh Union Home Minister a sawipui tawh thu te, tuna an thilphut chu an phu ngawih ngawih thu leh hemi kawngah theihtawp a lo chhuahpui zel dawn thu a lo hrilh ni a thudawn a ni bawk. 

Popular posts from this blog

PAN CARD an tih teh fo hi - Laldinpuia